1 Samuel 22:13 - Manobo Western Bukidnon OT

¹³ Migkeǥiyan ni Saul sikandin te, “Maan is duen planu niw ki David he mezaat he ebpekesuǥat kedì? Impekaan nu pa wey mibeǥayan nu te ispada, ne mid-insaan nu pa is Megbevayà para kandin. Guntaan egkuntedahan e zin duen din pa ganì planu te kedhimatey kedì.”

1 Samuel 22:13 교차 참조

Salmo 119:69

Minsan mibutbutangan a te menge gelbuwen, midtuman ku ǥihapun is menge sulunuzen he ibpesunud nu te ebpuun te tivuuk he ǥehinawa ku.

Amos 7:10

Dutun he timpu, si Amazia he memumuhat diyà te Betel mibpeuwit te lalag diyà te ki Hadì Jeroboam he hadì te Israel. Ke sikandin te, “Mibpelanu si Amos te mezaat diyà te kenikew kayi mismu te Israel. Kenè en egkaantus te menge etew is menge mibpengaǥi zin.

1 Samuel 22:12

Hein nekeuma zan, migkaǥi si Saul te, “Pemineg ka, Ahimelec!” Midtavak te, “Uya, Mahal he Hadì.”

1 Samuel 22:8

Tenged be keniyan mibpelanu kew te mezaat kayi te kedì is langun? Wazà midtazem kedì he is anak ku ne zuen upakat dan ki David. Wazè niw hizu kedì. Su wazà minsan sevaha he midtazem kedì he is anak ku mibaghet din is suluǥuen ku he si David te kidhimatey kedì he iyan tinguhè din guntaan.”