1 Samuel 21:4 - Manobo Western Bukidnon OT

⁴ Midtavak kes memumuhat te, “Wazè ku urdinaryu he supas, piru duen kayi supas he impemuhat. Ibeǥey ku heini emun sikew wey is menge sakup nu wazà mekepekidhulid te vahi te heini he menge andew.”

1 Samuel 21:4 교차 참조

Exodus 19:15

Migkeǥiyan ni Moises sikandan te, “Pengandam kew para te meketelu ǥuntaan; kenè niw en dèpa hileveti is esawa niw.”

Exodus 25:30

Kinahanglan he pirmeninti is supas dutun te lemisahan he ibpemuhat kayi te kedì.

Leviticus 15:18

Emun ebpehilevetà is maama wey vahi ne egewasan is maama te similya, kinahanglan he mebpemeziǥù sikandan is dezuwa, piru ed-isipen pa ǥihapun sikandan he meremerik taman te mahapun.

Zacarias 7:3

Su wey zan hengyui is menge memumuhat diyà te valey te Nengazen wey is menge ebpeneuven he insai zan is Nengazen ke kinahanglan pe be is kedseengseeng wey kebpuasa zan dutun te ikelima he vulan he paaǥi te kedtedemi te kegkerundus te valey te Nengazen, iring te layun dan ebeeli seled en te mahabet he menge tuig.

1 Samuel 21:3

Guntaan, hengkey is egkekaan nu kayi? Beǥayi a te lelima he supas wey minsan hengkey en.”

1 Samuel 21:6

Umbe, minsan te wazà urdinaryu he supas, imbeǥey te memumuhat kandin kes supas he ibpemuhat diyà te etuvangan te Megbevayà, he ziyà kuwaa te segradu he lemisa ne midliwanan te veǥu he supas.