1 Samuel 19:2 - Manobo Western Bukidnon OT

² umbe mitudtulan din si David. Migkeǥiyan din te, “Ed-ehè dà te lugar is amey ku te kedhimatey kenikew, umbe andam ka. Keeselem hendiyè ka te vevesukà ne pen-ehè ka te lugar he ed-elesan nu, ne kenè ka awà dutun.

1 Samuel 19:2 교차 참조

Salmo 16:3

Emun bahin te metinumanen he menge etew nu he ziyà med-ubpà te tanà he Israel he utew menge vuutan, dekelà is kelipey ku tenged kandan.

Erubasa 17:17

Is elukuy nu, ne egkehizuwan kezin te langun he timpu, wey iyan ketuyuan ke maan is duen nu perinti, para zuen edtavang kenikew te timpu te kelised.

1 Samuel 19:1

Migkeǥiyan ni Saul si Jonatan wey is langun he menge suluǥuen din he edhimetayan si David. Piru utew mibmahal ni Jonatan si David,

1 Samuel 19:3

Ed-uwiten ku is amey ku ziyà ne edlelaǥan ku sikandin mehitenged kenikew. Ne idtazem ku kenikew is egketuenan ku.”

1 Samuel 20:2

Midtavak si Jonatan te, “Kenè ka egkepatey! Wazà minsan hengkey he ebeelan te amey ku he kenè din egkeǥiyen kedì minsan kenà impurtanti. Emun suat din he edhimetayan ke zin, egkeǥiyan e zin daan. Umbe kenà heeyan tutuu.”

1 Samuel 20:5

Migkeǥiyan ni David si Jonatan te, “Keeselem Pista te Kebpuun te Hayag ne meupiya pezem ke dutun a is egkaan duma te amey nu. Piru emun ebpemineg ka he edhipanew a, ne ed-eles a taman te mezukilem te iketulu he andew.