1 Samuel 19:18 - Manobo Western Bukidnon OT

¹⁸ Umbe, nekepelaǥuy si David ne midhendiyà te ki Samuel diyà te Rama, ne midtudtulan din te langun he mid-ulaula kandin ni Saul. Ne zutun midhendiyè dan ki Samuel te Nayot ne ziyè dan med-ubpà.

1 Samuel 19:18 교차 참조

Salmo 116:11

Tenged te kegkehandek ku migkaǥi a te, “Wazà iyan etew he egkeseriǥan.”

1 Samuel 1:19

Meselem utew zutun te sunud he andew, mid-enew si Elkana wey is tivuuk he pemilya zin ne mid-azap dan is Nengazen. Ne human dan med-ulì diyà te ubpaan dan he Rama. Ne midhulizan ni Elkana si Hana ne midtavak te Nengazen is menge pengemuyù ni Hana he ebeǥayan sikandin te anak.

1 Samuel 15:34

Ne midlikù si Samuel ziyà te Rama, ne si Saul ne mid-ulì daan diyà te Gibea.

1 Samuel 19:19

Duen neketudtul ki Saul he ziyà si David te Nayot diyà te Rama.

1 Samuel 19:22

Umbe, iyan en si Saul midhendiyà te Rama. Hein nekeuma sikandin dutun te dekelà he vudsi he punduwà te wahig diyà te Secu, nenginginsà sikandin ke hendei si Samuel wey si David. Midtudtulan dan te ziyà te Nayot.

1 Samuel 19:23

Dutun te ebpehendiyè en sikandin, mid-ulinan sikandin te Mulin-ulin te Megbevayà ne nekepenagnà sikandin taman te nekeuma sikandin diyà te Nayot.

1 Samuel 20:1

Si David mid-awà diyà te Nayot diyà te Rama ne midhendiyà te ki Jonatan ne nenginginsà, “Hengkey ves is salà he neveelan ku te amey nu maan is egkesuatan e zin te edhimatey?”

1 Samuel 21:11

Migkaǥi is menge sineriǥan ni Akish kandin te, “Kenè be si David man heini is hadì diyà te lugar zin? Kenè be iyan sikandin kes egkevantug te menge vahi zutun te ebpemenayew sikandan wey ebpemenganta te, ‘Tignengkelibu is nepatey ni Saul, piru is ki David mulà tigsepulù he libu’?”

1 Samuel 28:3

Dutun he penahun daan en he minatey si Samuel. Hein kebpatey zin ne utew nenlalew is menge Israilihanen kandin, ne ziyè dan ileveng sikandin te inged din he Rama. Ne midsegseg ni Saul puun te Israel is menge veyilan he ebpekidlalag te gimukud te nemematey en.

1 Samuel 7:17

Ne ebpekepasad ne ed-ulì maan sikandin diyà te Rama, su pengulu zaan sikandin te menge etew zutun. Ne mibaal sikandin dutun te pemuhatà para te Nengazen.