1 Samuel 17:55 - Manobo Western Bukidnon OT

⁵⁵ Hein naahà ni Saul si David he ed-uvey ki Goliat he ebpekidtebek, mid-insaan din si Abner he peremandar te menge sundaru te, “Abner, hentei ves ki anak heeyan is betan-en?” Midtavak si Abner te, “Wazè ku metueni, Mahal he Hadì.”

1 Samuel 17:55 교차 참조

Genesis 42:15

Egezaman ku sikiyu wey ku metueni ke tutuu ve is migkaǥi niw. Idsesapè ku he mintras uuyag pa is hadì te Ehipto ne kenè kew ebpekaawà kayi emun kenà edhendini is hazi niw.

1 Samuel 1:26

Migkeǥiyan ni Hana si Eli te, “Datù, egketenuzan nu pa vuwa, iyan a kes bahi he midhitindeg kayi zengan is ebpengemuyù diyà te Nengazen.

1 Samuel 14:50

Is esawa ni Saul iyan si Ahinoam, he anak ni Ahimaaz. Is peremandar te menge sundaru zin iyan is id-aǥew zin he si Abner, he anak te anggam din he si Ner.

1 Samuel 16:12

Umbe, mibpevayaan ni Jesse si David, ne impehendutun. Metaid he meriǥàriǥà is kedlulundis din, wey meupiya he ed-ahaan is mata zin. Migkeǥiyan te Nengazen si Samuel te, “Lenahi nu en is ulu zin su iyan en sikandin nepilì ku.”

1 Samuel 17:54

Migkuwa ni David is ulu ni Goliat ne mid-uwit din diyà te Jerusalem, ne ziyè din isavuk te tulda zin is menge ǥumaan ni Goliat.

1 Samuel 17:56

Migkaǥi si Saul te, “Penginginsè ka ke hentei sikandin ki anak.”

1 Samuel 17:58

Mid-insaan ni Saul sikandin te, “Mama, hentei ke ves ki anak?” Midtavak si David te, “Anak a te sakup nu he si Jesse he tig-Betlehem.”

1 Samuel 26:5

Ne midhendiyà si David te lugar he migkempuwan ni Saul. Neehè din dutun he nekelipezeng si Saul wey si Abner he anak ni Ner, he peremandar te menge sundaru. Egkepeliǥuyan si Saul te menge sundaru zin he nemekelipezeng daan.