Iyan daan heini mibeelan din diyà te menge inged he Manase, Efraim, wey Simeon, wey pehendiyè en te Naftali, ragkes en is nezeetan he menge inged diyà te peliǥuy kayi.
(Dutun he timpu, wazà Israilihanen he metau he ebpenalsal. Kenà egkesuat is menge Filistihanen he zuen Israilihanen he egketau ebpenalsal su kela ke mebpemaal zan daan te menge ispada wey menge vangkew.
Mahal is kebpevayad kandan. Is bayad te kebpekemanga zan te punta te eradu etawa piku, dezuwa he vuuk he pelata. Ne is bayad te kebpekemanga zan te wasey etawa kebpepurung te gelemiten he para te uyaǥen ne sevaha he selapì.)
