1 Samuel 12:11 - Manobo Western Bukidnon OT

¹¹ Ne midsuǥù te Nengazen si Gideon, si Barak, si Jefta wey siak, su midluwas dey sikiyu puun te kedsekupa keniyu te menge kuntada niw kayi te nekelingut, umbe guntaan meupiyè en is ked-ubpè niw.

1 Samuel 12:11 교차 참조

2 Hadì 13:5

Mibeǥayan sikandan te pengulu he ebpekepeǥawas kandan puun te kedluplupiǥa kandan te menge tig-Aram. Umbe mid-uman mebmelinew is kebpekesavuk te menge Israilihanen iring duen te nehuna.

1 Cronica 7:17

Is anak ni Ulam he maama iyan si Bedan. Iyan heini sikandan menge kevuwazan ni Gilead he anak ni Makir, he apù ni Manase.

Zatù 4:6

Ne sevaha he andew, impetawag ni Debora si Barak he anak ni Abinoam te tig-Kedesh he sakup te tribu ni Naftali. Kebpekeuma ni Barak, migkaǥi si Debora te, “Is Nengazen he Megbevayà te Israel, edsuǥuen ke zin. Ke sikandin te, ‘Kuwa ke en te 10,000 he menge maama puun diyà te menge tribu ni Naftali wey ni Zebulun ne zumaha nu sikandan diyà te Buntud he Tabor.

Zatù 6:14

Ne migkaǥi is Nengazen diyà te kandin te, “Genat ka ne ǥemita nu is tivuuk he zesen nu te kedlibri te menge Israilihanen puun te ǥehem te menge Midianhen. Iyan a midsuǥù kenikew.”

Zatù 6:31

Ne midtavak ni Joash haazà is egkengepauk he menge etew he mid-etuvang kandin, “Ebpekidtebek kew ve para ki Baal? Edlevanan niw ve sikandin? Is edlavan ki Baal iyan ereg he edhimetayan guntaan te meselem. Emun tutuu he megbevayà si Baal, ipedipinsahi kandin is keugelingen din, su pamuhatè man para kandin is mibengkag.”

Zatù 6:32

Puun dutun migngezanan si Gideon te “Jerubaal” he iyan kehuluǥan din is, “Iyan si Baal ipedipinsa te keugelingen din,” su pamuhatè man para kandin is mibengkag.

Zatù 7:1

Meselem pa, ne migenat si Jerubaal (he iyan si Gideon) duma te menge etew zin. Migkampu sikandan diyà te uvey te serebseb diyà te Harod. Is menge Midianhen diyà megkampu te divavè dan he ziyà te menge suǥud he uvey te Buntud he More.

Zatù 8:29

Mid-ulì si Gideon diyà te keugelingen din he valey ne zutun sikandin med-ubpà.

Zatù 8:35

Wazè dan ipaahà is keupiya zan diyà te pemilya ni Jerubaal (he iyan si Gideon) minsan pa te zuen meupiya he nengeveelan din para te Israel.

1 Samuel 3:20

Umbe, migkilala sikandin te tivuuk he Israel puun te Dan pehendiyà te Beersheba he sevaha sikandin he ebpeneuven te Nengazen.

1 Samuel 7:13

Nezaag human te menge Israilihanen is menge Filistihanen, ne wazè dan en maan mekepenurung diyà te ubpaan te menge Israilihanen te uuyag pa si Samuel, su is menge Israilihanen, midtevangan sikandan te Nengazen.