1 Samuel 11:9 - Manobo Western Bukidnon OT

⁹ Migkeǥiyan dan kes menge menunudtulà diyà te Jabesh Gilead te, “Keǥiyi niw is menge etew ziyan he keeselem te meudtu ne egkeluwas sikandan.” Hein nezineg te menge zuma zan haazà is tudtul te menge menunudtulà ne utew zan nengelipey.

1 Samuel 11:9 교차 참조

2 Samuel 2:5

midsuǥù sikandin diyà te ibpepenudtul ziyà te kandan he egkaǥi te, “Berakat he tuvazi kew te Nengazen te impeehè niw he zekelà is kedmahal niw ki Saul te egalen niw pinaaǥi te kedlevenga niw kandin.

1 Cronica 10:12

Umbe, migenat is langun he menge beǥani kandan ne migkuwa zan is lawa ni Saul wey is menge anak din, ne mid-uwit dan heini ziyà te Jabesh. Ne inleveng dan haazà is menge minatey ziyà te zizalem te zekelà he kayu ziyà te Jabesh, ne mibpuasa zan seled te pitu he andew.

Salmo 18:17

Midluwas a kenikew zutun te mekeǥeǥehem he menge kuntada ku he kenè ku egkesukulan.

Zatù 21:8

Dutun migkaǥi sikandan te, “Hengkey he tribu te Israel is wazà medhendiyà hein midtiǥum kiw ziyà te etuvangan te Nengazen diyà te Mizpa?” Netuenan dan he wazà minsan sevaha zutun he tig-Jabesh Gilead,

1 Samuel 11:10

Migkeǥiyan dan is menge Amunihanen te, “Keeselem ne ebpevayèbayè key en keniyu, minsan hengkey is ebeelan niw kenami ne veeli niw en.”

1 Samuel 11:8

Ne midtiǥum ni Saul diyà te Bezek is menge etew: 300,000 is ebpuun te Israel, ne 30,000 is ebpuun te Juda.

1 Samuel 31:11

Netuenan te menge tig-Jabesh Gilead is mid-ulaula te menge Filistihanen ki Saul.