1 Cronica 7:22 - Manobo Western Bukidnon OT

²² Neuǥet is kedlalew ni Efraim te kemetayen dan, ne midhendiyà is menge kezuzumahi zin su edlenganen dan sikandin.

1 Cronica 7:22 교차 참조

Genesis 37:34

Ne mibindas ni Jacob is bisti zin ne mibivisti te saku he tuus te kegkeseeng din. Neuǥet is kedlalew zin te anak din.

Genesis 37:35

Midhendutun te kandin is langun he menge anak din su edlenganen dan, piru wazà maawà is kegkeseeng din. Ke sikandin te, “Beleǥaza ad keniyu! Iyan ibpatey ku is kegkeseeng ku tenged te kebpatedany te anak ku.” Ne midsigudu en sikandin medsineǥew tenged ki Jose.

1 Cronica 7:21

Zabad, wey si Shutela. Is menge anak ni Efraim he si Ezer wey si Elead, midhimetayan sikandan te menge meǥinged diyà te Gat, su ebpenakew zan te menge uyaǥen.

1 Cronica 7:23

Ne liwas dutun, mid-uvayan ni Efraim is esawa zin ne mibmeǥingey ne mid-anak te maama. Ne migngezanan ni Efraim haazà is batà te Beria, tenged te utew mesakit he neulaula zutun te kandan he pemilya.

Job 2:11

Duen tetelu he emiǥu ni Job he iyan en si Elifas he tig-Teman, si Bildad he tig Shua, wey si Zofar he tig-Naama. Hein nezineg dan is langun he kelised he nehitavù diyà te ki Job, neuyun dan he edhendiyè dan te kandin su eduyuǥan dan wey edlenganen dan.