1 Cronica 7:14 - Manobo Western Bukidnon OT

¹⁴ Duen dezuwa he anak ni Manase ziyà te esawa zin he Aramihanen, he si Asriel wey si Makir. Si Makir ne amey ni Gilead

1 Cronica 7:14 교차 참조

Genesis 25:20

Menge 40 en is penuiǥen ni Isaac dutun te kebpekeesawa zin ki Rebeka he anak ni Betuel he Aramihanen he tig-Padan Aram. Etevey si Rebeka ni Laban he Aramihanen daan.

Genesis 50:23

Neseutan pa sikandin te menge apù din te veul he menge kevuwazan ni Efraim. Ne neseutan pa zaan sikandin te menge apù din he menge anak ni Makir he anak ni Manase.

1 Cronica 7:13

Is menge anak ni Naftali he menge maama, ne iyan si Jaziel, Guni, Jezer, wey si Shilem. Menge kevuwazan sikandan ni Bilha is iney ni Naftali.

1 Cronica 7:15

ne si Makir nen-ahà te ibpeesawa ki Hupim wey ki Shupim. Duen etevey ni Makir he egngezanan ki Maaca. Is sevaha pa he anak ni Makir iyan si Zelofehad he pudu vahi is menge anak din.

Numero 26:28

Is menge kevuwazan ni Jose ebpuun diyà te zezuwa he anak din he si Manase wey si Efraim.

Numero 27:1

Si Zelofehad, duen din menge anak he vahi he iyan ensi Mala, Noa, Hogla, Milca, wey Tirza. Heini si Zelofehad anak ni Hefer wey apù ni Gilead. Si Gilead anak ni Makir wey apù ni Manase. Si Manase anak ni Jose.

Josue 13:31

Ragkes kayi is ketengà te Gilead, wey is Ashtarot wey Edrei, he menge dezekelà he inged diyà te Bashan he ginhedian ni Og. Iyan heini tanà he imbeǥey ziyà te ketengà te menge kevuwazan ni Makir te anak ni Manase, he mibahin diyà te kada pemilya zan.

Zatù 5:14

Is duma kandan ebpuun diyà te Efraim he lugar he ǥaked dengan te menge Amalikanhen. Ne midtinundug kandan is tribu ni Benjamin. Midtupang is menge peremandar he ebpuun te pemilya ni Makir, wey is menge upisyal he ebpuun te tribu ni Zebulun.