1 Cronica 5:22 - Manobo Western Bukidnon OT

²² wey mezakel pa is mibpenhimetayan dan tenged te mid-uǥupan sikandan te Megbevayà te kebpekidtebek. Ne kayi zan en med-ubpà he lugar taman te nevihag sikandan.

1 Cronica 5:22 교차 참조

2 Cronica 32:8

Menge etew zà is duma keniyan te hadì, piru is kenitew he zuma, ne iyan is Nengazen he Megbevayè tew. Iyan sikandin edtavang kenitew wey ebpekidtebek para kenitew.” Umbe mibmelig-en is menge etew tenged dutun te migkaǥi ni Hadì Hezekia he hadì te Juda.

Josue 23:10

Is minsan hentei keniyu ebpekesegseg te 1,000 he menge etew, su is Nengazen iyan ebpekidtebek para keniyu, sumalà te insaad din.

2 Hadì 17:6

Ne hein ikesiyam he tuig te kedhadì ni Hoshea, mid-aǥew en duen te hadì diyà te Asiria is Samaria, ne miduma zin is menge tig-Israel ziyà te Asiria su mibihag din sikandan. Diyè din sikandan ibpeubpà te inged he Hala, diyà te menge lugar he uvey te Wahig he Habor he ziyà te Gozan, wey ziyà te menge inged te menge Midianhen.

2 Hadì 15:29

Hein timpu te kedhadì ni Peka, midsurung ni Hadì Tiglat Piliser he hadì te Asiria is Israel, ne naaǥew zin is menge inged he Ion, Abel Bet Maaca, Janoa, Kedesh, wey Hazor. Naaǥew zin daan is Gilead, Galilea, wey tivuuk he tanà te Naftali. Ne mid-uwit din diyà te Asiria is menge meǥinged kayi su mibihag din.

1 Cronica 6:26

Elkana, Zofai, Nahat,

1 Cronica 4:41

Ne hein timpu pa he iyan hadì te Juda si Hezekia, is menge kevuwazan ni Simeon he nekaǥi en is menge ngazan dan, midsurung dan is menge kevuwazan ni Ham wey midsurung dan daan is menge Meunhanen he zutun daan med-ubpà, ne mibpenhimetayan dan is langun. Ne iyan dan dutun mid-ubpà taman guntaan, su zutun is pepenebtavè dan te menge kerehidu zan.

1 Cronica 5:21

Mibpenguwa zan is menge uyaǥen te menge Hagarnen: 50,000 he menge kemilyu, 250,000 he menge kerehidu, wey 2,000 he menge asnu. Nevihag dan daan is 100,000 he menge etew,

Genesis 49:19

Ne impelaus ni Jacob is egkeǥiyen din, ke sikandin te, “Sikew Gad, edsurungen ka te grupu te menge tulisan, piru edel-asen nu sikandan dutun te kebpelaǥuy zan, ne ebelesan nu sikandan.

1 Cronica 5:26

Umbe, ketau te Megbevayà te Israel he surunga sikandan ni Hadì Pul he hadì te Asiria (he iyan si Tiglat Piliser). Nevihag ni Pul is menge tribu ni Reuben, Gad, wey ketengà he tribu ni Manase ne ziyè din uwita te Hala, Habor, Hara, wey ziyà te Wahig te Gozan, ne zutun sikandan taman guntaan.

2 Cronica 26:7

Mid-uǥupan sikandin te Megbevayà te kebpekidtebek din te menge Filistihanen, menge Meunhanen, wey te menge Arabo he ziyà med-ubpà te Gur Baal.