1 Cronica 5:1 - Manobo Western Bukidnon OT

¹ Si Reuben ne iyan kinekekayan he anak ni Israel, ne tenged te mibeelan din he nekidhulid te sevaha zuen te menge esawa te amey zin, ne mid-ewaan sikandin te ketenged din te kegkekakey ne ziyà iveǥey te menge anak te suled din he si Jose. Umbe wazà ilista is kegkekakey zin diyà te listahan te kegkevuwad dan.

1 Cronica 5:1 교차 참조

Genesis 25:23

“Iyan heeyan ebpuunan is dezuwa he vatà he keniyan te getek nu te zezuwa he nasyun. Ne heini is dezuwa he grupu te menge etew ne ebpekuntedehey. Mezesen haazà is sevaha kenà haazà is duma zin. Is kakey egkehimu he suluǥuen te hazi zin.”

Genesis 25:31

Ne midtavak si Jacob te, “Wey ku sikew ebeǥayi kayi emun ibeǥey nu kedì is ketenged nu te kegkekakey.”

Genesis 29:32

Mibmeǥingey si Lea ne mid-anak te maama ne migngezanan din ki Reuben, su ke sikandin te, “Naahà te Nengazen is merasey he egkeulaula ku, guntaan siguradu he ebmahalen ad human te esawa ku.”

Genesis 35:22

Ne zutun te timpu he kemulu pa ed-ubpà ensi Jacob dutun, midhulizan ni Reuben is esawa te amey zin he si Bilha. Hein netuenan haazà ni Jacob, utew sikandin nepauk. Duen 12 he menge anak ni Jacob.

Genesis 46:8

Iyan heini menge ngazan te menge Israilihanen he menge kevuwazan ni Jacob he midhendiyà te Ehipto: si Reuben is kinekekayan he anak ni Jacob,

Genesis 48:5

Ne ke si Jacob en maan te, “Ne ǥuntaan, sikan is dezuwa he anak nu he maama he kayi ianak te Ehipto te wazè e pa mekeuma zini, ne egkeragkes sikandan te kediey he menge anak. Kediey en si Efraim wey si Manase, iring te menge anak ku zaan si Reuben wey si Simeon.

1 Cronica 2:1

Iyan heini sikandan menge anak ni Israel he menge maama: Reuben, Simeon, Levi, Juda, Isacar, Zebulun,

1 Cronica 26:10

Si Hosa he ebpuun te pemilya ni Merari, ne zuen din daan menge anak. Midhimu ni Hosa si Shimri he lavew he pengulu te pemilya zan minsan te kena sikandin kinekekayan he anak.

Exodus 6:14

Iyan heini menge kepuun te nepipira he menge pemilya te tribu te Israel: Is menge anak ni Reuben he maama te kinekekayan he anak ni Israel iyan ensi Hanoc, Palu, Hezron wey si Carmi. Ne iyan sikandan wey is menge kevuwazan dan menge pemilya he ebpuun diyà te ki Reuben.

Leviticus 20:11

Emun ebpekidhilavet is maama te sevaha te menge esawa te amey zin, mibpeel-elezan din is amey zin. Ne sikandan is dezuwa zutun te vahi kinahanglan he edhimetayan. Iyan dà sikandan egkevasul zutun te kemetayen dan.

Numero 1:5

Iyan heini menge pengulu te kada tribu he ebpekeuǥup keniyu: Ngazan te Tribu; Ngazan te Pengulu Reuben; Elizur he anak ni Shedeur Simeon; Shelumiel he anak ni Zurishadai Juda; Nashon he anak ni Aminadab Isacar; Netanel he anak ni Zuar Zebulun; Eliab he anak ni Helon Efraim he anak ni Jose; Elishama he anak ni Amihud Manase he anak ni Jose; Gamaliel he anak ni Pedazur Benjamin; Abidan he anak ni Gideoni Dan; Ahiezer he anak ni Amishadai Asher; Pagiel he anak ni Ocran Gad; Eliasaf he anak ni Deuel Naftali; Ahira he anak ni Enan

Numero 16:1

Dutun he timpu, nekidsukulà ki Moises si Kora he anak ni Izhar, te anak ni Kohat te anak ni Levi. Duma zin te nekidsukulà si Datan wey si Abiram he menge anak ni Eliab, wey si On he anak ni Pelet he pudu kevuwazan ni Reuben. Duen pa zuma zan he 250 he menge Israilihanen he menge maama he nekilala wey mibpilì he menge pengulu te Israel puun te menge Israilihanen.

Numero 26:5

Is menge kevuwazan ni Reuben te kinekekayan he anak ni Jacob, iyan is pemilya ni Hanoc, Palu,

Deuteronomio 21:17

Kinahanglan he egkilelaan din is kegkekakey zuen te kinekekayan he anak din minsan wazè din mahala is bahi he teǥianak duen. Ne ke sengemenu kezekelà is bahin te zuma, ne tekepa zin is ibahin din kandin su iyan sikandin nehuna he anak din ne zuen din ketenged te kedawat te vahin he para te kinekekayan he anak.

Deuteronomio 27:20

“Rinewakan is etew he edhilavet te esawa ta amey zin, su ebpeel-elezan din is amey zin.” Ne edtavak is langun te, “Amen!”

Deuteronomio 33:17

Is desen din meiring te zesen te kinekekayan he tudu he vaka. Is gehem din meiring te ǥehem te sungey te kelesanen he vaka. Pinaaǥi kayi edèdeetan din is menge nasyun minsan is diyà te kinemeziyuan he vahin kayi te kelibutan. Iyan heini penuvadtuvad ku te mahabet he menge etew he egkeǥepak diyà te ki Efraim wey ki Manase.”

Josue 14:6

Midhendiyà te ki Josue ziyà te Gilgal is nepipira he etew te tribu ni Juda. Is sevaha kandan iyan si Caleb he anak ni Jefune he Kinishanen. Migkaǥi sikandin te, “Egketenuzan nu pe be sikan is migkaǥi te Nengazen diyà te ki Moises he suluǥuen te Megbevayà mehitenged kenita te zezuwa hein diyè kiw pa te Kadesh Barnea?