1 Cronica 4:17 - Manobo Western Bukidnon OT

^17-18 Is menge anak ni Ezrah he menge maama, ne iyan si Jeter, Mered, Efer, wey Jalon. Si Mered ne zuen din esawa he si Bitia he anak te hadì te Ehipto. Duen dan menge anak he iyan si Miriam, Shamai, wey Ishba. Si Ishba ne amey ni Eshtemoa. Duen daan esawa ni Mered he tig-Juda ne iyan anak dan si Jered (he amey ni Gedor), Heber (he amey ni Soco), wey Jekutiel (he amey ni Zanoa).

1 Cronica 4:17 교차 참조

1 Cronica 21:24

Piru midtavak si Hadì David ki Arauna, “Kenè ku heini edewaten he wazà bayad. Ebeyazan ku sikew ke pira is bali kayi. Kenè ku egkehimu he egkuwaan ku zà heini ziyà te kenikew he idhalad diyà te Nengazen. Kenà a ebpemuhat te pemuhat he edtutungen he wazà bali kayi te kedì.”

1 Cronica 4:16

Is menge anak ni Jehalelel he menge maama, ne iyan si Zif, Zifa, Tiria, wey si Asarel.

1 Cronica 4:19

Nengesawa si Hodia te suled ni Naham. Is sevaha he anak dan ne iyan is amey ni Keila he Garminhanen, wey is sevaha, ne iyan is amey ni Eshtemoa he Maakatnen.

1 Cronica 6:57

Imbeǥey ziyà te menge kevuwazan ni Aaron is sunud dutun he menge lugar apil en is menge penebtavà kayi: Hebron, (is eputà he inged), Libna, Jatir, Eshtemoa, Hilen, Debir, Ashan, Juta, wey Bet Shemesh.

Josue 15:50

Anab, Eshtemo, Anim,

1 Samuel 30:28

Aroer, Sifmot, Eshtemoa,