1 Cronica 4:10 - Manobo Western Bukidnon OT

¹⁰ Mid-ampù si Jabez diyà te Megbevayà te Israel, “Deyzey pezem ke tuvazi a kenikew ne mebmeluag pa is tanè ku. Dumahi a kenikew wey ilikey a te menge ebpekezezaat su wey a kenà mesekiti.” Ne midtavak te Megbevayà is hangyù din.

1 Cronica 4:10 교차 참조

Genesis 12:2

“Edhimuwen ku is menge kevuwazan nu he utew zekelà he nasyun. Ne edtuvazan ku sikew ne edhimuwen ku he utew mevantug is ngazan nu. Ne pinaaǥi zaan kenikew, edtuvazan ku is mezakel he menge etew.

Genesis 12:8

Ne midlaus pa ensi Abram pehendiyà te vuvungan he ziyà te zapit te edsilaan te inged he Betel ne zutun din ipehitindeg is tulda zin. Diyà te zapit din te edsenlepan is inged he Betel wey ziyà te zapit te edsilaan is inged he Ai. Ne zutun mid-uman si Abram mebaal te pemuhatà ne mibpengumew-umew zin is Nengazen.

Genesis 28:20

Ne mibpenangdù dutun si Jacob he egkaǥi te, “He Megbevayà, emun edumahan a wey ebentayan a kenikew kayi te hipenawan ku wey emun ebeǥayan a kenikew te egkeenen wey igkevisti,

Genesis 28:21

wey emun ebpekelikù a ziyà te ubpaan te amey ku he wazà mezaat he egkehitavù kedì, ne sikew is Nengazen, iyan ka Megbevayà he ed-ezapen ku.

Genesis 32:26

Ne zutun migkaǥi haazà is etew te, “Lekai a kenikew su egkepawè en.” Ne midtavak si Jacob te, “Kenè ku sikew edlekaan emun kena a kenikew ebpenubtuvazan.”

Genesis 32:27

Ne mid-insaan sikandin dutun te etew te, “Hentei is ngazan nu?” Ne midtavak sikandin te, “Si Jacob.”

Genesis 32:28

Ne migkaǥi haaza is etew te, “Puun guntaan kenè en maan Jacob is igngazan kenikew, kekenà, Israel en tenged te nekibuteng ka te Megbevayà wey te etew, ne nekezaag ka.”

Genesis 33:20

Ne zutun mibaal si Jacob te pemuhatà he migngezanan din te El Elohe Israel, he ke và dà egkaǥiya, “Utew mekeǥeǥehem is Megbevayà he ed-ezapen ni Israel.”

Genesis 48:16

Ne verakat he tuvazi zaan sikandan duen te velinsuǥuen he midlibri kedì te langun he menge kezeetan. Berakat he kenà a melipati wey is menge kepuun ku he si Abraham wey si Isaac. Berakat he mebmahabet utew is menge kevuwazan dan dini te kelibutan.”

1 Cronica 16:8

Peselemati niw is Nengazen; simbaha niw sikandin! Tudtula niw ziyà te menge etew is menge vaal zin.

1 Cronica 4:11

Si Kelub he suled ni Shuha, ne amey ni Mehir. Si Mehir ne amey ni Eshton, ne

1 Cronica 4:9

Duen sevaha he etew he iyan ngazan din si Jabez. Nevantug sikandin kenà is menge suled din he menge maama. Migngezanan sikandin te iney zin te Jabez su egkaǥi is iney zin te, “Utew a midreǥeni te ked-enaka ku kandin.”

Job 12:4

Nehimu a he egkeengitan te menge emiǥu ku minsan metazeng a wey wazà kedì igkesawey, wey minsan edtevaken dengan te Megbevayà is menge kebpengemuyù ku.

Salmo 119:173

Berakat he layun ka andam he edtavang kedì, su mibpilì ku is kedtuman te menge sulunuzen he ibpesunud nu.

Salmo 121:7

Ed-ipaten ka te Nengazen ne kenà ebpekezezaat kenikew is minsan hengkey he vangkit; ebpekeventayan din is untung nu.

Salmo 145:19

Is menge edtahud kenikew ne ebeǥayan nu sikandan te penganduy zan; ebpemineǥen nu is pengumew-umew zan kenikew, ne edluwasen nu sikandan.

Salmo 21:4

Mibuyù din diyà te kenikew he sumpuli nu is untung din, ne mibeǥayan nu sikandin te meluǥayad he untung.

Salmo 51:12

Ilikù nu kayi te kediey sikan is kelipey he neseǥazan ku hein midlibri a kenikew. Ne veǥayi a te metinumanen he ǥehinawa.

Salmo 51:8

Ipeǥezam nu kediey is kelipey wey keǥalew, para zuen ku ǥihapun kelipey minsan pa te henduen te edrupeten nu is menge tulan ku.

Salmo 55:16

Piru ebuyù a mulà te tavang diyà te Nengazen he Megbevayà ne edlibriyen e zin.

Salmo 65:2

Is langun he menge etew ed-uvey ziyà te kenikew su edtevaken nu is menge kebpengemuyù dan.

Salmo 72:17

Berakat he kenà egkelipatan is ngazan te hadì te taman te taman mintras duen pa andew. Berakat he pinaaǥi kandin edtuvazan is langun he menge nasyun, ne ebpekekaǥi is menge etew ziyà te menge nasyun te, “Deyzey sikandin.”

Salmo 99:6

Si Moises wey si Aaron, dezuwa sikandan duen te menge memumuhat din dengan, ne si Samuel, sevaha sikandin duen te mid-ampù diyà te kandin. Nengumew-umew sikandan kandin ne midtavak din sikandan.

Erubasa 10:22

Ebpekepesepian te etew is kedtuvazi kandin te Nengazen, ne kenà heini egkekuwa pinaaǥi te subra he kebpenigudu.

Erubasa 30:8

Iyan heini: iyan ka metau he kenà a meketarùtarù. Ikezuwa, iyan ka metau he kenà a mehimu he utew egkeey-eyuwi etawa mehimu he sepian su iyan dà egkesuatan ku he zuen ku mekaan te kada andew.

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Isaias 41:17

“Emun ebpen-ahà te wahig is pubri he menge etew ku, ne wazè dan egkaahà ne ebmemaze en is bekereng dan tenged te kegkemezahi, ne siak is Nengazen iyan edtavang kandan; siak is Megbevayà te Israel kenè ku sikandan idselikwey.

Jeremias 33:3

“Umawa a kenikew su edtevangan ku sikew. Ne ibpezayag ku ziyà te kenikew is egkengein-inuwan wey in-eles he wazè nu pa metueni.

1 Samuel 1:17

Migkaǥi si Eli te, “Hipanew kad ne kenè ke en maan meseeng. Berakat he is Megbevayà te Israel ne ibeǥey zin kenikew is ebuyuen nu kandin.”

1 Samuel 1:20

Ne zutun mibmeǥingey sikandin, ne neuma is penahun ne mid-anak sikandin te maama. Migngezanan te Samuel, su ke sikandin te, “Geina te mibuyù ku sikandin diyà te Nengazen.”

1 Samuel 1:26

Migkeǥiyan ni Hana si Eli te, “Datù, egketenuzan nu pa vuwa, iyan a kes bahi he midhitindeg kayi zengan is ebpengemuyù diyà te Nengazen.

1 Samuel 1:27

Mibuyù ku heini he vatà diyà te Nengazen ne imbeǥey zin kedì is mibuyù ku.