1 Cronica 4:1 - Manobo Western Bukidnon OT

¹ Iyan heini zuma pa he menge kevuwazan ni Juda: si Perez, Hezron, Carmi, Hur, wey si Shobal.

1 Cronica 4:1 교차 참조

Genesis 38:29

Piru inseled dutun te vatà is belad din ne iyan midhuna megawas sikan is sereping din. Ne migkaǥi is mengunguyamu te, “Mibpekid-aǥew ka te kegawas.” Umbe migngezanan haazà is batà te Perez.

Genesis 46:12

Is menge anak he maama ni Juda ne iyan si Er, si Onan, si Shela, si Perez, wey si Zera (piru si Er wey si Onan, diyè dan dà mebpatey te Canaan), ne zuen menge anak ni Perez he si Hezron wey si Hamul.

1 Cronica 2:18

Si Caleb he anak ni Hezron, duen menge anak din diyà te esawa zin he si Azuba he egngezanan daan ki Jeriot. Ne iyan heini menge anak ni Jeriot: si Jesher, Shobab, wey Ardon.

1 Cronica 2:3

Duen tetelu he anak ni Juda he menge maama ziyà te esawa zin he si Batshua he Canaanhen. Si Er, Oran, wey si Shela. Si Er, ne iyan kinekekayan. Kenà meupiya is ulaula zin diyà te etuvangan te Nengazen, umbe midhimetayan sikandin te Nengazen.

1 Cronica 2:4

Duen pa anak ni Juda he menge maama ziyà te ambey zin he si Tamar. He iyan si Perez wey si Zera. Lelima langun is anak ni Juda he menge maama.

1 Cronica 2:5

Is menge maama he anak ni Perez ne iyan si Hezron wey si Hamul.

1 Cronica 2:50

Iyan heini sikandan menge kevuwazan ni Caleb. Iyan si Hur kinekekayan he anak ni Caleb wey ni Efrata. Is menge anak ni Hur he menge maama, ne iyan si Shobal he amey ni Kiriat Jearim,

1 Cronica 2:7

Is anak ni Carmi he maama ne si Acar. Iyan heini si Acar kes mid-uwit te kezeetan te Israel tenged te kegkuwaa zin duen te vutang ne imbeǥey en diyà te Megbevayà.

1 Cronica 2:9

Is menge anak ni Hezron he menge maama, ne iyan si Jerameel, Ram, wey Caleb.

1 Cronica 3:24

Is menge anak ni Elionai he menge maama, ne iyan si Hodavia, Eliashib, Pelaya, Akub, Johanan, Delaya, wey si Anani–pitu zan langun.

1 Cronica 4:2

Is anak ni Shobal he si Reaya iyan amey ni Jahat. Si Jahat iyan amey ni Ahumai wey ni Lahad. Iyan heini sikandan menge pemilya te menge Zoratnen.

Numero 26:19

Si Juda zuen din dezuwa he anak he maama he iyan si Er wey si Onan, he minatey ziyà te tanà he Canaan. Piru zuen gihapun menge kevuwazan ni Juda he iyan is menge pemilya eni Shela, Perez, wey Zera.

Ruth 4:18

Is keguǥuza te menge kepuun ni David ne iyan heini: Si Perez, ne amey ni Hezron,