1 Cronica 3:21 - Manobo Western Bukidnon OT

²¹ Is menge anak ni Hanania he menge maama, ne iyan si Pelatia wey Jeshaya. Si Jeshaya ne amey ni Refaya, si Refaya ne amey ni Arnan, si Arnan ne amey ni Obadias, ne si Obadias amey ni Shecania.

1 Cronica 3:21 교차 참조

1 Cronica 3:20

Duen pa lelima he menge anak ni Zerubabel he menge maama he iyan si Hashuba, Ohel, Berekia, Hasadia, wey si Jushab Hesed.

1 Cronica 3:22

Ne is menge kevuwazan ni Shecania ne iyan si Shemaya ne is menge anak ni Shemaya ne si Hatush, Igal, Baria, Nearia, wey si Shafat–heenem dan langun.

2 Cronica 31:15

Is metinumanen he menge umuuǥup din iyan ensi Eden, Miniamin, Jeshua, Shemaya, Amaria, wey si Shecania. Midhendiyè dan te menge inged he ed-ubpaan te menge memumuhat he menge kezuzumahi zan ne impemeǥey zan kandan is kandan he vahin te menge halad; imbeǥey zan heini ziyà te kada grupu ne mibpurung bevehina ziyà te menge vatà etawa menge meǥurang.

Ezra 8:3

si Hatush he anak ni Shecania he ebpuun diyà te pemilya ni David si Zacarias wey is menge zuma zin he 150 he menge maama, he ebpuun diyà te pemilya ni Parosh. (Duen listahan te menge kepuun dan.)