1 Cronica 27:1 - Manobo Western Bukidnon OT

¹ Iyan heini menge nelista he menge pengulu, menge peremandar, wey menge upisyal te menge Israilihanen he ebpenilbi te hadì pinaaǥi te kedumala te menge grupu te menge sundaru he ebpenilbi te senge vulan kada tuig. Is kada grupu ne zuen 24,000 he menge sundaru.

1 Cronica 27:1 교차 참조

2 Samuel 23:8

Iyan heini menge sakup ni David he menge mevurut: Si Josheb Bashebet he tig-Takemon, he iyan kes edhuna zuen te tetelu he menge mevurut he sakup ni David. Te senge sangkè dà ne nekepatey sikandin te 800 he etew pinaaǥi te vangkew zin.

1 Hadì 4:27

Is menge gubirnedur ziyà te menge distritu, iyan ebeǥey ki Hadì Solomon te keenen wey te langun he menge etew ziyà te turuǥan din. Is kada sevaha kandan midtendek he vulan is kebeǥey zin. Ebpeniguru sikandan he ikeveǥey zan is menge kinahanglan ni Solomon.

1 Hadì 4:7

Duen 12 he menge gubirnedur ni Solomon diyà te menge distritu te tivuuk he Israel. Iyan sikandan metau wey ikehated is keuyaǥan te hadì wey te pemilya zin. Is kada sevaha kandan edhated te keenen seled te senge vulan kada tuig.

1 Hadì 5:14

Ne kada vulan, 10,000 is edsuǥuen din diyà te Lebanon. Umbe is kada grupu kayi ne senge vulan diyà te Lebanon ne zezuwa he vulan diyà te keugelingen dan he lugar. Si Adoniram is pengulu kayi he menge terebahanti.

1 Cronica 11:10

Iyan heini menge pengulu te menge sakup ni David he menge mevurut. Sikandan wey is langun he menge Israilihanen midsupurtar te kedhadì ni David, sumalà is insaad te Nengazen mehitenged te Israel.

1 Cronica 13:1

Mibpekidlalag si David te menge upisyal zin, he menge peremandar te linibu wey ǥinatus he menge sundaru zin.

1 Cronica 26:32

Si Jeria ne zuen din 2,700 he menge kezuzumahi he zuen dan menge ketau wey menge pengulu sikandan te menge pemilya. Iyan sikandan impezumala ni Hadì David te menge kevuwazan ni Reuben, ni Gad, wey ketengà he tribu ni Manase. Ne iyan sikandan mid-atur te langun he vuluhaten te Megbevayà wey vuluhaten te hadì dutun he menge lugar.

1 Cronica 27:2

Si Jashobeam he anak ni Zabdiel ne iyan peremandar te menge sundaru te egkehuna he vulan. 24,000 he menge sundaru is kandin he grupu.

1 Cronica 28:1

Dutun he timpu, impetawag ni Hadì David diyà te Jerusalem is langun he menge upisyal te Israel: Is menge upisyal te menge tribu, is menge peremandar te kada grupu te menge sundaru he ebpenilbi te hadì, is duma pa he menge peremandar te menge linibu wey ginatus he menge sundaru, is menge upisyal he menge sineriǥan te langun he menge azen wey menge layud dutun te hadì wey te menge anak din, is menge upisyal ziyà te turuǥan is menge gehemanen he menge etew, wey langun he memetau he menge sundaru.

1 Cronica 29:6

Ne zutun, is menge pengulu te menge pemilya, is menge pengulu te menge tribu te Israel, is menge peremandar te linibu wey ginatus he menge sundaru, wey is menge upisyal he menge sineriǥan te azen te hadì, mibeǥey zan daan he ebpuun te keputian te atey zan.

2 Cronica 1:2

Ne mibpekidlalag si Solomon te langun he menge Israilihanen, te menge peremandar te menge linibu wey menge ginatus he menge sundaru, te menge menhuhusey, te langun he menge pengulu te Israel, wey te langun he menge pengulu te menge pemilya.

Exodus 18:25

Mibpilì sikandin te menge Israilihanen te menge etew he uluwanen he edhusey, ne midhimu zin sikandan he menge upisyal te grupu te menge etew he tig-1,000, tig-100, tig-50, wey tig-10.

Micas 5:2

Migkaǥi is Nengazen te, “Sikew, Betlehem Efrata, sevaha ka te kinezeisayan he inged diyà te Juda. Piru ziyà ebpuun te kenikew is etew he ebpenilbi kedì he pengulu te Israel, he is menge kepuun din nevantug dengan he menge etew.”

Deuteronomio 1:15

Umbe, iyan impezumala ku keniyu is midhimu ku he menge zatù wey menge upisyal he uluwanen wey menge telehuzen he menge etew he ebpuun diyà te menge tribu niw. Duen impezumala ku te 1,000 he etew, ne is duma 100, ne is duma 50, ne is duma pa impezumala ku te 10 he etew.

Josue 23:1

Seled te meluǥayad he timpu is kebeǥey te Nengazen te kelinew ziyà te Israel su wazè en sikandan mekepekidtebek te menge kuntada zan diyà te peliǥuy zan. Ne si Josue utew en meǥurang,

1 Samuel 8:12

Is duma kandan edhimuwen din he menge upisyal he edumala te tig-1,000 he sundaru, ne is duma 50 he sundaru. Ne is duma ne ibpeeradu te pemuleey zin wey ibpeeǥani te sebpet din, ne is duma ne ibpepandey zin te menge ǥumaan para te tebek wey zuma pa he menge gelemiten para te kerwahi.