1 Cronica 26:13 - Manobo Western Bukidnon OT

¹³ Midripa sikandan ke hendei zapit he ǥemawan ebpekevantey is menge pemilya zan, betan-en etawa meǥurang en.

1 Cronica 26:13 교차 참조

1 Cronica 24:31

Iring te mibeelan te menge kevuwazan ni Aaron, midripahan dan is kegketueni zan te menge ketengdanan dan, midripa is menge vetan-en wey menge meǥurang. Diyè dan heini veeli te etuvangan ni Hadì David, ni Zadok, ni Ahimelec, wey te menge pengulu te menge pemilya te menge memumuhat wey te menge Levihanen.

1 Cronica 24:5

Is langun he menge vuluhaten ne mibahin dutun te menge grupu ne midripa zan su para wazà mevintahai, su zuen menge upisyal zutun te valey te Nengazen he ebpenilbi te Megbevayà he ebpuun te menge kevuwazan ni Eleazar wey te menge kevuwazan ni Itamar.

1 Cronica 25:8

Midripa zan para metueni te kada sevaha kandan is terebahu zin, menge vetan-en man etawa menge meǥurang en, menunudlù man etawa ke ebpenginenau pa.

1 Cronica 26:12

Migrupu is menge vantey zutun te menge ǥemawan te valey te Nengazen sumalà is pengulu te pemilya zan, ne zuen dan menge ketengdanan te kebpenilbi zutun te valey te Nengazen, iring te menge iring dan he menge Levihanen.

1 Cronica 26:14

Is dapit te edsilaan, ne iyan dutun neripahan si Shelemia, ne is dapit te zizaya he ǥemawan, ne iyan neripahan dutun is anak din he si Zacarias. Heini si Zacarias ne metau he edsambag.