1 Cronica 26:12 - Manobo Western Bukidnon OT

¹² Migrupu is menge vantey zutun te menge ǥemawan te valey te Nengazen sumalà is pengulu te pemilya zan, ne zuen dan menge ketengdanan te kebpenilbi zutun te valey te Nengazen, iring te menge iring dan he menge Levihanen.

1 Cronica 26:12 교차 참조

2 Hadì 7:10

Umbe, midlikù sikandan diyà te inged he Samaria ne mid-umew zan is menge vantey ziyà te pultahan te inged ne migkeǥiyan dan te, “Midhendiyè key te kampu te menge Aramihanen, ne wazà duen etew, gawas te menge kudà, wey menge asnu, he impenagkes. Ne zutun daan te menge tulda zan is menge azen dan.”

1 Cronica 25:8

Midripa zan para metueni te kada sevaha kandan is terebahu zin, menge vetan-en man etawa menge meǥurang en, menunudlù man etawa ke ebpenginenau pa.

1 Cronica 26:11

Ne is ikezuwa ki Shimri ne si Hilkia, is iketelu ne si Tebalia, ne is ikeepat ne si Zacarias. Ne 13 is langun he menge anak wey kezuzumahi ni Hosa he menge vantey zuen te ǥemawan te valey te Nengazen.

1 Cronica 26:13

Midripa sikandan ke hendei zapit he ǥemawan ebpekevantey is menge pemilya zan, betan-en etawa meǥurang en.

1 Cronica 9:23

Heini he menge ebantey wey is menge kevuwazan dan, ne iyan midseriǥan he ebantey te menge ǥemawan duen te valey te Nengazen he egngezanan daan te Tulda.

2 Cronica 31:14

Si Kore he anak ni Imnah he Levihanen he vantey ziyà te zapit te edsilaan he gemawan te valey te Nengazen, iyan midseriǥan te kedumala vahin te menge halad he keugelingen he suat is kebeǥaya zuen diyà te Megbevayà. Ketengdanan din is kebpemeǥey ziyà te menge memumuhat wey menge Levihanen te menge azen he impehinungud diyà te Nengazen wey segradu he menge halad.

2 Cronica 35:15

Is menge musikiru he menge kevuwazan ni Asaf, diyà daan sikandan te kandan he lugar zutun te valey te Nengazen, su iyan haazà sulunuzen he imbeǥey ni Hadì David, ni Asaf, ni Heman, wey ni Jedutun he ebpeneuven he sineriǥan te hadì. Is menge vantey ziyà te kada gemawan dutun te valey te Nengazen wazè en med-awà diyà te kandan he lugar su iyan mid-andam te keenen dan is menge zuma zan he menge Levihanen.