1 Cronica 24:3 - Manobo Western Bukidnon OT

³ Pinaaǥi te tavang ni Zadok he kevuwazan ni Eleazar, wey ni Ahimelec he kevuwazan ni Itamar, ne migrupu ni Hadì David is menge kevuwazan ni Aaron sumalà te menge ketengdanan dan.

1 Cronica 24:3 교차 참조

2 Samuel 20:25

Ne iyan sikritaryu te hadì si Sheva. Is lavew he memumuhat ne si Zadok wey si Abiatar.

2 Samuel 8:17

Is lavew he menge memumuhat ne iyan si Zadok he anak ni Ahitub wey si Ahimelec he anak ni Abiatar. Ne iyan sikritaryu si Seraya.

1 Hadì 2:35

Ne zutun midhimu zuen te hadì si Benaya he peremandar te menge sundaru ilis ki Joab, ne is in-ilis din ki Abiatar iyan si Zadok he memumuhat.

1 Cronica 15:11

Ne impetawag ni David si Zadok wey si Abiatar he menge memumuhat, wey is menge Levihanen he si Uriel, Asaya, Joel, Shemaya, Eliel, wey si Aminadab.

1 Cronica 16:39

Insarig daan ni David ki Zadok he memumuhat wey te menge iring din he menge memumuhat is Tulda te Nengazen diyà te metikang he lugar ziyà te Gibeon.

1 Cronica 18:16

Is lavew he menge memumuhat ne iyan si Zadok he anak ni Ahitub wey si Ahimelec he anak ni Abiatar. Ne iyan sikritaryu si Shavsha.

1 Cronica 24:31

Iring te mibeelan te menge kevuwazan ni Aaron, midripahan dan is kegketueni zan te menge ketengdanan dan, midripa is menge vetan-en wey menge meǥurang. Diyè dan heini veeli te etuvangan ni Hadì David, ni Zadok, ni Ahimelec, wey te menge pengulu te menge pemilya te menge memumuhat wey te menge Levihanen.

1 Cronica 24:4

Is menge kevuwazan ni Eleazar mibahin te 16 he grupu, ne is kevuwazan ni Itamar mibahin daan te walu he grupu, su mezakel is menge pengulu te pemilya te menge kevuwazan ni Eleazar.

1 Cronica 24:6

Si Shemaya he anak ni Netanel he Levihanen ne iyan sikritaryu. Inlista zin is menge ngazan te menge memumuhat dutun te etuvangan te hadì wey te menge upisyal he si Zadok he memumuhat, si Ahimelec he anak ni Abiatar, wey te menge pengulu te menge pemilya te menge memumuhat wey menge Levihanen. Mibpulipuli he edripa is menge kevuwazan ni Eleazer wey ni Itamar.

2 Cronica 8:14

Ne sumalà te sulunuzen te amey zin he si David, migrupu zin is menge memumuhat wey menge Levihanen para te menge vuluhaten dan. Is menge Levihanen, ne iyan ebpengegalen te menge etew he edalig te Megbevayà, wey ed-uǥup dan te menge vuluhaten te menge memumuhat dutun te valey te Nengazen kada andew. Migrupu zin daan is menge ebantey te kada gemawan te valey te Nengazen su iyan heini insuǥù ni David he suluǥuen te Megbevayà.

1 Samuel 21:1

Midhendiyà si David te ki Abimelec he memumuhat diyà te Nob. Migkerker si Abimelec te kegkahandek te neehè din si David. Migkeǥiyan din te, “Maan is edhipanew ka te wazè nu zuma?”