1 Cronica 24:2 - Manobo Western Bukidnon OT

² Piru iyan nehuna he minatey si Nadab wey si Abihu kenà is amey zan, ne wazè dan en med-anak; umbe iyan dà si Eleazar wey si Itamar nekepenilbi pinaaǥi te kegkememumuhat.

1 Cronica 24:2 교차 참조

Exodus 24:1

Ne migkeǥiyan te Nengazen si Moises te, “Tekezeg ka kayi te kediey ne zumaha nu si Aaron, si Nadab, si Abihu, is 70 he ebpemendumala te Israel. Ne ezapa e zan kayi, iyan, diyè dan dà te meziyù.

Exodus 24:9

Ne midtekezeg diyà te vuntud si Moises, si Aaron, si Nadab, wey si Abihu, wey sikan is 70 he ebpemendumala te Israel.

Exodus 29:9

tengkulu, wey vakes. Egkehimu sikandan he memumuhat taman te taman. Iyan heini paaǥi te kedhimuwa nu ki Aaron he memumuhat wey sikan is menge anak din.

Exodus 6:23

Si Aaron, neesawa zin si Elisheba is anak he vahi ni Aminadab wey etevey zaan ni Nashon. Ne in-anak dan si Nadab, si Abihu, si Eleazar, wey si Itamar.

Leviticus 10:12

Migkaǥi si Moises diyà te ki Aaron wey ziyà te zezuwa he anak ni Aaron he nesamà he iyan si Eleazar wey si Itamar, “Kuwaa niw is pemuhat he para gasa he nesamà duen te menge pemuhat pinaaǥi te hapuy he ibpemuhat para te Nengazen. Lutua niw heini ne kenà edtepayan ne keena niw ziyà te avey te pemuhatà su utew heini segradu he pemuhat.

Leviticus 10:2

Umbe, impevulus te Nengazen is hapuy he midtutung kandan taman te minatey zan diyà te etuvangan te Nengazen dutun te Tulda he Edtelevukaayan.

Numero 18:7

Piru iyan ke zà wey is menge anak nu ebpekepenilbi pinaaǥi te kegkememumuhat, su iyan kew zà ebpekevaal te vuluhaten diyà te pemuhatà wey ziyà te Utew Segradu he Lugar. Gasa ku keniyu is kegkememumuhat niw. Is minsan hentei he ebaal kayi he kenà memumuhat ne edhimetayan.”

Numero 26:61

Piru minatey si Nadab wey si Abihu hein nemuhat sikandan he migamit dan te hapuy he kenè diyè ebpuun te hapuy he egemiten para te kebpemuhata te Nengazen.

Numero 3:2

Is menge anak ni Aaron iyan ensi Nadab, Abihu, Eleazar, wey si Itamar. Iyan kakey si Nadab.

Numero 3:4

Piru si Nadab wey si Abihu, minatey ziyà te etuvangan te Nengazen hein migamit dan te hapuy he kenà iyan sikan is hapuy he para te kebpemuhata te Nengazen hein diyè dan te sibsivayan he Sinai. Minatey sikandan he wazè dan menge anak, umbe iyan dà si Eleazar wey si Itamar nenilbi pinaaǥi te kegkememumuhat dutun te kaazen pa te amey zan he si Aaron.