1 Cronica 23:4 - Manobo Western Bukidnon OT

⁴ Migkaǥi si David te, “Is 24,000 kandan ne iyan edseriǥan te menge ebeelan dutun te valey te Nengazen, ne is 6,000 ne iyan menge upisyal wey menge menhuhusey.

1 Cronica 23:4 교차 참조

1 Cronica 6:48

Is menge iring dan he menge Levihanen, ne mibeǥayan te zuma he menge vuluhaten dutun te Tulda he Edtelevukaayan, he valey te Megbevayà.

2 Cronica 19:8

Duen daan menge Levihanen, menge memumuhat, wey menge pengulu te menge pemilya te menge Israilihanen he midhimu ni Jehoshafat he menge menhuhusey te menge rirù he zuen kelevetan te kesuǥuan te Nengazen wey kedhusey te menge ebpekedtetebek. Ne ziyè dan med-ubpà te Jerusalem.

2 Cronica 23:18

Ne insarig ni Jehoyada te menge memumuhat he menge kevuwazan ni Levi is kedumala zutun te valey te Nengazen iring te mibeelan dengan ni David. Ebpemuhat dan te menge pemuhat he edtutungen sumalà te ingkesurat diyà te Kesuǥuan ni Moises, wey ed-ugyab dan wey egkanta sumalà te insuǥù ni David.

2 Cronica 34:13

Iyan sikandan midseriǥan te kedumala te menge terebahanti he nekedseselekawà is menge terebahu zan. Is duma he menge Levihanen menge sikritaryu sikandan, menge peresurat te dukumintu he memetau, wey menge perevantey te ǥemawan te valey te Nengazen.

Nehemias 11:22

Is lavew he pengulu te menge Levihanen diyà te Jerusalem iyan si Uzi he anak ni Bani. (Si Bani anak ni Hashabia. Si Hashabia anak ni Matania. Ne si Matania anak ni Mica.) Si Uzi sevaha te menge kevuwazan ni Asaf, he iyan menge perekanta ziyà te valey te Megbevayà.

Nehemias 11:9

Si Joel he anak ni Zicri iyan lavew he pengulu zan ne is ebpeketinundug kandin iyan si Juda he anak ni Hasenua.

Ezekiel 44:24

Emun duen egkesemberewaanan, iyan is menge memumuhat edhitindeg he menge menhuhukum ne iveǥey zan is kukuman he ibpesikad diyà te kesuǥuan ku. Kinahanglan he edtumanen dan is menge suǥù ku wey menge sulunuzen bahin te menge pista he ibpetuman ku; kinahanglan he ed-isipen dan he segradu he andew is Andew te Kedhimeley.

Malakias 2:7

“Kinahanglan he is memumuhat he ebpenurù te hustu he ketau, ne iyan sikandin egkeinsaan te menge etew ke hengkey is hustu he ed-ul-ulahan.

Deuteronomio 16:18

“Pilì kew te menge zatù wey menge upisyal te kada tribu niw ziyà te langun he inged he ibeǥey keniyu te Nengazen he Megbevayè niw. Ne heini sikandan emun ebpenhusey zan ne kinahanglan he wazà egkevintahaan.