1 Cronica 23:2 - Manobo Western Bukidnon OT

² Miburunburun din is langun he menge pengulu te Israel, ragkes is menge memumuhat wey is menge Levihanen.

1 Cronica 23:2 교차 참조

1 Cronica 13:1

Mibpekidlalag si David te menge upisyal zin, he menge peremandar te linibu wey ǥinatus he menge sundaru zin.

1 Cronica 23:1

Hein meǥurang en si David, midhimu zin he hadì is anak din he si Solomon.

1 Cronica 23:3

Mibilang is menge Levihanen he ebpenuiǥen te 30 pehendiyà te metikang, ne is kezakel zan ne 38,000.

1 Cronica 28:1

Dutun he timpu, impetawag ni Hadì David diyà te Jerusalem is langun he menge upisyal te Israel: Is menge upisyal te menge tribu, is menge peremandar te kada grupu te menge sundaru he ebpenilbi te hadì, is duma pa he menge peremandar te menge linibu wey ginatus he menge sundaru, is menge upisyal he menge sineriǥan te langun he menge azen wey menge layud dutun te hadì wey te menge anak din, is menge upisyal ziyà te turuǥan is menge gehemanen he menge etew, wey langun he memetau he menge sundaru.

1 Cronica 6:33

Iyan heini sikandan ebpenilbi zuma is menge anak dan: Is kevuwazan ni Kohat, ne si Heman he musikiru. Si Heman ne anak ni Joel. Si Joel ne anak ni Samuel. Si Samuel ne anak ni Elkana.

Josue 23:2

umbe impetawag din is langun he menge etew te Israel: is menge ebpemendumala, is menge pengulu, is menge zatù, wey is menge upisyal, ne ke sikandin diyà te kandan te, “Utew ad meǥurang.

Josue 24:1

Ne zutun midtiǥum ni Josue is langun he tribu te Israel ziyà te Shekem. Ne mid-umew zin is ebpemendumala, menge pengulu, menge zatù, wey menge upisyal te Israel, ne mid-uvey zan diyà te etuvangan te Megbevayà.