1 Cronica 22:12 - Manobo Western Bukidnon OT

¹² Berakat he veǥayi ka te Nengazen he Megbevayè nu te ketau wey kedsavut wey nu meveeli is menge kesuǥuan din te timpu he iyan ke zin en ibpezumala te tivuuk he Israel.

1 Cronica 22:12 교차 참조

1 Hadì 2:3

ne tumana nu is ibpetuman te Nengazen he Megbevayè nu. Sunuza nu is menge paaǥi zin, wey tumana nu is menge sulunuzen wey menge suǥù he ingkesurat diyà te Kesuǥuan ni Moises, su wey ka med-uswag diyà te langun he ebeelan nu, minsan hendei ka ebpevayà.

2 Cronica 1:10

Beǥayi a te ketau wey keuluwanen wey ku mezumala heini he keet-etawan. Su hentei zà buwa etawa is ebpekehimu he edumala kayi te utew mezakel he keet-etawan nu?”

Salmo 119:34

Ipesavut nu kedì is kesuǥuan nu, ne edtumanen ku heini wey edtipiǥan ku kayi te tivuuk he ǥehinawa ku.

Salmo 72:1

He Megbevayà, penurua nu is hadì te kenikew he paaǥi te kedhukum he metazeng,

Erubasa 14:8

Is ketau te etew he metau he ed-isip-isip te ed-ul-ulahan din ke hendei is hustu wey kenà, ne iyan ebeǥey kandin te keuluwanen ke hengkey is ebeelan din, piru is ketutulebungi te menge tulebung, ne ebpekelimbung kandin.

Deuteronomio 4:6

Purungi niw heini sunuza, su pinaaǥi kayi igkepeehè niw te menge etew ziyà te zuma he menge nasyun is ketau niw wey kedsavut niw. Emun egkezineg dan heini is langun he menge sulunuzen ebpekekaǥi zan te, ‘Tutuu iyan he zuen ketau wey kedsavut te menge etew kayi te gemhanan he nasyun.’