1 Cronica 22:1 - Manobo Western Bukidnon OT

¹ Ne migkaǥi si David te, “Kayi he lugar edtukuza is baley te Nengazen he Megbevayà wey pemuhatà para te menge ibpemuhat te menge Israilihanen he edtutungen.”

1 Cronica 22:1 교차 참조

Genesis 28:17

Ne nahandek sikandin, ke sikandin te, “Utew a ebpendeǥubduva kayi he lugar! Ubpeey heini te Megbevayà ne kayi ves is gemawan pehendiyà te langit!”

2 Samuel 24:18

Haazà he andew midhendiyà si Gad te ki David ne migkeǥiyan din te, “Tekezeg ka zutun te ǥunasà ni Arauna he Jebusihanen ne vaal ka zutun te pemuhatà para te Nengazen.”

2 Hadì 18:22

Kela ke iyan egkeǥiyen niw kayi te kedì is iyan edseriǥan niw is Nengazen he Megbevayè niw. Kenè be imperundus nu man is menge simbahan he para kandin diyà te metikang he menge lugar, ragkes en is menge pemuhatà kayi, ne migkeǥiyan nu is menge meǥinged diyà te Jerusalem wey is diyà te zuma pa he menge inged diyà te Juda he kinahanglan he ziyè dan dà med-azap te sevaha zà he pemuhatà diyà te Jerusalem?’

1 Cronica 21:30

Piru kenà ebpekehendiyà si David te kebpenginginsà te Megbevayà, su nahandek sikandin dutun te lembitan te velinsuǥuen te Nengazen.

2 Cronica 3:1

Ne mibpuunan en ni Solomon is kedtukuza te valey te Nengazen diyà te Jerusalem diyà te Buvungan te Moria, he zutun mebpaahà is Nengazen te amey zin he si David. Diyè din heini tukuza te gunasà ni Arauna he Jebusihanen, kes lugar he inteǥana ni David.

2 Cronica 32:12

Kenè be iyan man si Hezekia mibperundus te menge ed-ezapan te Nengazen diyà te metikang he menge lugar, ragkes en is menge pemuhatà kayi? Midsuǥù kew zin pa is menge tig-Juda wey menge tig-Jerusalem he kinahanglan he azap kew wey tutung kew te menge pemuhat diyà te sevaha zà he pemuhatà.

Salmo 78:60

Mid-ewaan din sikan is tulda zin diyà te Shilo he iyan ubpeey zin kayi te kelibutan.

Deuteronomio 12:11

Kinahanglan he ed-uwiten niw is menge pemuhat niw ziyà te lugar he ebpilien te Nengazen he Megbevayè niw he zutun sikandin ebeǥayi te zengeg. Iyan heini menge pemuhat wey menge halad he ibpahalad ku keniyu: menge pemuhat he edtutungen wey zuma pa he menge pemuhat, is ikepulù niw, is ispisyal he menge gasa niw, wey is langun he kineupiyahan he menge halad he impenaad niw ziyà te Nengazen.

Deuteronomio 12:14

kekenà, diyè niw zà ipemuhat te lugar he ǥaked te sevaha he tribu niw he ebpilien te Nengazen, ne zutun niw veeli is langun he idsuǥù ku keniyu.