1 Cronica 21:8 - Manobo Western Bukidnon OT

⁸ Ne migkeǥiyan ni David is Megbevayà te, “Nekesalà a kayi te mibeelan ku. Umbe ebpehizuhizu a kenikew, Nengazen, he peseyluwa a kenikew is suluǥuen nu te salè ku, su kelelalung is mibeelan ku.”

1 Cronica 21:8 교차 참조

Genesis 34:7

Ne hein netudtulan is menge anak ni Jacob he menge maama zutun te neulaula, segugunè dan mid-ulì. Utew mibmezaat is gehinawa zan ne utew zan egkepeuki si Shekem tenged te mid-ulaula zin he kenà meupiya he vaal, he nekeveǥey te keelezan te pemilya ni Jacob.

2 Samuel 12:13

Ne migkeǥiyan ni David si Natan te, “Nekesalà a te Nengazen.” Midtavak si Natan te, “Mibpesaylu ke en te Nengazen, ne kenè ke zed ebpatey kayi he salà.

2 Samuel 13:13

Hengkey en buwa he paras is igkeetuvang ku te menge etew? Minsan sikew, buneg is igngazan kenikew kayi te Israel. Hengyua nu is amey ta mehitenged kayi; siguru he ebpemineǥen ke zin ke ebpengesawa ka kedì.”

2 Samuel 24:10

Ne mibmezaat is gehinawa ni David hein nepasad is kedsinsusa zin te menge etew. Ne migkeǥiyan din is Nengazen te, “Nekesalà a kayi te mibeelan ku. Umbe ebpehizuhizu a kenikew, Nengazen, he peseyluwa a kenikew is suluǥuen nu te salè ku, su kelelalung is mibeelan ku.”

1 Cronica 21:7

Wazà daan mesuat is Megbevayà te heini he suǥù ni David, umbe midsilutan din is Israel.

2 Cronica 10:9

Mid-insaan din sikandan te, “Hengkey is sambag niw kedì te idtavak ku te hangyù kedì dutun te menge etew? Iyan hangyù dan is pekehegkapa ku is meveǥat he mibpeveelan kandan te amey ku.”

Salmo 25:11

Nengazen, minsan mahabet is menge salè ku, peseyluwa a kenikew, su para mezeliǥi ka.

Salmo 32:5

Ne intug-an ku ziyà te kenikew is menge salè ku; wazè ku in-eles. Ke siak te idtug-an ku is menge salè ku ziyà te kenikew. Ne zutun te kedtug-an ku, mibpesaylu a kenikew.

Jeremias 3:13

Engkena nu zà he nekesalè ka pinaaǥi te kebpekidsukulè nu te Nengazen he Megbevayè nu, wey midsunud ka te zuma he menge ed-ezapen pinaaǥi te ked-ezapa nu kandan diyà te sihung te kada merapung he kayu. Engkena nu he wazè ka mebpezumazuma kediey. Iyan a is Nengazen, is migkaǥi kayi.”

Hoseas 14:2

Likù kew ziyà te Nengazen ne kaǥi kew ziyà te kandin te, ‘Nengazen, peseyluwa nu is langun he menge salè dey, ne zewata key kenikew tenged te keupiya nu, su wey key mekepemuhat kenikew te menge kedalig he ebpuun te menge vèbè dey.

1 Samuel 13:13

Migkaǥi si Samuel te, “Kelelelungan is mibeelan nu. Wazè nu tumana is insuǥù kenikew te Nengazen he iyan Megbevayè nu he intelaan din kenikew. Emun midtuman nu pezem, ne is menge kevuwazan nu ne iyan ebpedayun he edhadì te Israel.

1 Samuel 26:21

Migkaǥi si Saul te, “Nekesalà a. Likù ka kayi te kedì David, anak ku, ne kenè ku en ed-um-umanen is mibeelan ku kenikew, su wazà a kenikew himetayi. Henduen a te vuneg te mibeelan ku, ne utew ad iyan nesayep.”