1 Cronica 21:12 - Manobo Western Bukidnon OT

¹² Tetelu he tuig he vitil, tetelu he vulan he kedèdeeti keniyu te menge kuntada niw, etawa tetelu he andew he pigada he ebpuun te Nengazen pinaaǥi te kedsuruy te velinsuǥuen te Nengazen he ebpendezaat diyà te tivuuk he tanà te Israel. Pilì ka wey keǥiya nu kedì ke hengkey is idtavak ku te Nengazen he midsuǥù kedì.”

1 Cronica 21:12 교차 참조

Penhulùhulù 4:9

Meupiya pa is iyan ibpatey zan is tebek kenà duen te iyan ibpatey zan is kegkevitil. Ednaneynaney sikandan ebpematey te vitil su wazè dan egkekaan.

Jeremias 47:6

Mid-insè kew ke keenu a ed-engked he edsilut keniyu pinaaǥi te ispada ku? Migkeǥiyan a keniyu te iǥumè ku en heini ne vey-ani ku en sikiyu.

Jeremias 42:16

is tebek wey vitil he igkahandek niw edtundug keniyu, ne ebpematey kew ziyà.

Jeremias 12:12

Ebpekeuma ziyà te zemilag he menge vuvungan diyà te disirtu is ebpendezaat te tivuuk he tanà, ne wazà ebpekepelaǥuy te menge etew zutun.

Isaias 66:16

Su edsilutan din pinaaǥi te hapuy wey ispada zin, is langun he mekesesalà he menge etew, ne mahabet is egkepatey zin.

2 Hadì 19:35

Kegkezukilem, midhendiyà is belinsuǥuen te Nengazen te kampu te menge tig-Asiria, ne migerè din is 185,000 he menge sundaru. Ne hein meselem en, ked-enew zuen te nesamà he menge uuyag, neehè dan is utew mahabet he nemematey.

2 Hadì 8:1

Dutun te nehuna he timpu migkeǥiyan ni Elisha sikan is bahi he mibanhew ni Elisha is anak din te, “Dumaha nu is pemilya nu ne ziyè kew upbà te selakew en he lugar, su migkaǥi is Nengazen te egkehitavù is pitu he tuig he vitil kayi te Israel.”

1 Hadì 17:1

Ne zuen sevaha he ebpeneuven te Nengazen he iyan ngazan din si Elias. Meǥinged sikandin diyà te Tishbe, he sakup te Gilead. Migkeǥiyan din si Ahab te, “Kayi te etuvangan te uuyag he Nengazen he Megbevayà te Israel he iyan ed-zapen ku, egkeǥiyen ku kenikew he siguradu wazà dehemug etawa uzan he ebpekeuma seled te egkepipira he tuig emun kenà a egkaǥi he ebpekeuma heini.”

2 Samuel 21:1

Dutun te kedhadì ni David, duen nehitavù he vitil seled te tetelu he tuig. Ne zutun nekidlalag si David diyà te Nengazen. Migkaǥi is Nengazen te, “Neulaula is bitil tenged te kebpenhimetayi ni Saul wey te pemilya zin te menge Gibyunhen.”

Deuteronomio 28:35

Ebpetuvuan kew te Nengazen te levag puun te paa niw pehendiyà te ulu niw he kenà egkeulian.

Deuteronomio 28:27

Ibpaantus kew te Nengazen te levag he iring te impaaǥi zin diyà te menge Ehiptohanen, wey menge tumur, mezeǥes, wey keriskis he kenà egkeulian.

Deuteronomio 28:25

“Baal te Nengazen is kegkezeeǥa keniyu te menge kuntada niw. Edrapungrapung kew is edlusud kandan, piru ebpekedsusuwey kew is ebpemelaǥuy kandan. Ebpendemis keniyu is langun he ginhedian kayi te kelibutan.

Deuteronomio 28:22

Uya, ibpaantus kew te Nengazen te ibpatey he menge zaru, dateng, levag, wey meinit he keramag, gulavung, wey erat te pinemula taman te egkengahanew kew.

Deuteronomio 28:15

“Piru emun kenè kew ebpemineg te Nengazen he Megbevayè niw ne kenè niw ebpurungan edsunuza is langun he menge suǥù din wey is menge sulunuzen he ibeǥey ku keniyu ǥuntaan, ne ebpekesuǥat diyà te keniyu heini is langun he rawak:

Leviticus 26:17

Egkuntedahan ku sikiyu para mezaag kew te menge kuntada niw ne iyan sikandan edumala keniyu. Tenged te kegketeranta niw ne ebpelaǥuy kew minsan wazà edal-as keniyu.

Leviticus 26:10

Tenged te kezekelà te menge abut niw, kenè niw pa egkaamin te egkaan is egkehuna he menge abut niw, ne igkaawà niw zà heini ziyà te midteǥuan niw zuen su ed-ilisan niw te veǥu he sebpet.

Exodus 12:23

Su edhipenawen te Nengazen is Ehipto te kebpenhimatey te kinekekayan he menge anak he maama te menge Ehiptohanen. Piru emun egkaahà te Nengazen is lengesa ziyà te zivavew wey pesikilizà he marku te ǥemawan, ne edlevayan din dà is baley niw ne kenè din edtuǥutan is ebpendezaat te kedseled diyà te menge valey niw te kebpenhimatey te kinekekayan he anak niw he maama.

1 Cronica 21:11

Ne midhendiyà si Gad te ki David ne migkeǥiyan din te, “Hendei kayi is egkesuatan nu: