1 Cronica 21:10 - Manobo Western Bukidnon OT

¹⁰ “Hendiyè ka te ki David ne ipepilì nu sikandin ke hendei zapit kayi te tetelu is egkesuatan din he idsilut ku kandin.”

1 Cronica 21:10 교차 참조

1 Cronica 21:11

Ne midhendiyà si Gad te ki David ne migkeǥiyan din te, “Hendei kayi is egkesuatan nu:

1 Cronica 21:9

Migkeǥiyan te Nengazen si Gad he menenagnà ni David te,

Erubasa 3:12

Su ebmensuwen te Nengazen is menge mibpelanggè din iring te ebeelan te sevaha he amey ziyà te anak din he pelanggè din.

Numero 20:12

Piru migkaǥi is Nengazen diyà te ki Moises wey ki Aaron te, “Tenged te wazè kew medsarig kedì pinaaǥi te kebpaahà te kegkewaǥas ku ziyà te etuvangan te menge Israilihanen, kenè kew iyan ebpekepengulu te keduma kayi te menge etew pehendiyà te tanà he ibeǥey ku kandan.”

Josue 24:15

Iyan, emun kenè niw igkelipey is kebpenilbi te Nengazen, pilì kew ǥuntaan he andew ke hentei is edsilbiyan niw. Iyan be is menge ed-ezapen he midsilbiyan te menge kepuun niw ziyà layun te Wahig he Eufrates, etawa iyan is menge ed-ezapen te menge Amorihanen he mid-ubpaan niw ǥuntaan is tanè dan. Piru siak mulà wey is pemilya ku, Nengazen is kenami he edsilbiyan.”