1 Cronica 21:1 - Manobo Western Bukidnon OT

¹ Migkuntada ni Setanas is Israel, umbe kandin he ketau he mesinsus ni David is menge Israilihanen.

1 Cronica 21:1 교차 참조

1 Cronica 20:8

Haazà he menge Filistihanen he menge kevuwazan te menge Rafa he tig-Gat. Mibpenhimetayan sikandan ni David wey te menge sakup din.

1 Cronica 27:24

Ne mibpuunan ni Joab he anak ni Zeruya is kebpensinsus te menge etew, piru wazè din mepasad is kebpensinsus su nepauk is Megbevayà. Umbe wazà maamin melista ziyà te listahan ni Hadì David is tivuuk he kezakel te menge Israilihanen.

1 Cronica 7:40

Sikandan is langun menge kevuwazan ni Asher he menge pengulu te menge pemilya zan. Memetau sikandan he menge sundaru wey nevantug he menge pengulu. Ne is kezakel zan te menge maama he kevuwazan ni Asher he andam he ebpesundaru 26,000 sumalà is diyà te listahan te menge kevuwazan dan.

Job 2:1

Ne sevaha he andew, midtiǥum en maan is menge velinsuǥuen diyà te etuvangan te Nengazen, ne midtampu zaan kandan si Setanas.

Exodus 30:12

“Emun edsinsusen nu is menge kevuwazan ni Israel, kinahanglan he ebeyazan te kada sevaha he maama kayi te kediey is untung din su para wazà mezaat he egkehitavù diyà te kandin dutun te kedsinsus.

Zacarias 3:1

Ne impaahà te Nengazen kedì is lavew he memumuhat he si Josue he edhithitindeg diyà te etuvangan te velinsuǥuen te Nengazen. Midhitindeg diyà te egkekewanan din si Setanas he edsumbung kandin.