1 Cronica 2:23 - Manobo Western Bukidnon OT

²³ (Piru mid-aǥew ni Geshur wey ni Aram haazà is menge inged ni Jair apil is Kenat, wey menge inged he nekelingut kayi. 60 langun he lugar.) Pudu heini menge kevuwazan ni Makir he amey ni Gilead.

1 Cronica 2:23 교차 참조

Genesis 50:23

Neseutan pa sikandin te menge apù din te veul he menge kevuwazan ni Efraim. Ne neseutan pa zaan sikandin te menge apù din he menge anak ni Makir he anak ni Manase.

1 Hadì 4:13

Si Ben Geber, is gubirnedur te Ramot Gilead, ragkes en kayi is menge inged ni Jair te anak ni Manase, wey is distritu te Argob diyà te Bashan, ragkes en is 60 he dezekelà he menge inged kayi he mibpeliǥuyan te verengbeng, he brunsi is menge trangka te menge pultahan din.

1 Cronica 2:22

Si Segub amey ni Jair, he iyan midumala te 23 he inged diyà te Gilead.

1 Cronica 2:24

Wazà meuǥet ne minatey si Hezron diyà te Caleb Efrata hein mid-anak is esawa zin he si Abia. Is anak dan ne si Ashur he amey ni Tekoa.

Deuteronomio 3:14

Si Jair he kevuwazan ni Manase, iyan nekaangken te tivuuk he Argob he sakup te Bashan taman te dulunà te tanà te menge Gisurhanen wey menge Maakatnen. Heini he lugar migngezanan ni Jair te kandin he ngazan, umbe minsan guntaan kemulu egngezani is Bashan te, ‘Menge Inged ni Jair.’

Josue 13:13

Piru wazà mesegseg te menge Israilihanen is menge Gisurhanen wey is menge Maakatnen. Heini he menge etew nengungubpaan gihapun duma te menge Israilihanen taman en guntaan.

Josue 13:30

Puun te Mahanaim, pehendiyà te tivuuk he Bashan, kes tivuuk he ginhedian ni Hadì Og he hadì te Bashan, wey is 60 he menge inged diyà te Jair he sakup te Bashan.