1 Cronica 2:18 - Manobo Western Bukidnon OT

¹⁸ Si Caleb he anak ni Hezron, duen menge anak din diyà te esawa zin he si Azuba he egngezanan daan ki Jeriot. Ne iyan heini menge anak ni Jeriot: si Jesher, Shobab, wey Ardon.

1 Cronica 2:18 교차 참조

1 Cronica 2:17

Ne iyan nekeesawa ki Abigail, si Jeter he Ismailihanen ne zuen dan anak he maama he si Amasa.

1 Cronica 2:19

Hein minatey si Azuba ne mid-esawa ni Caleb si Efrat ne mid-anak dan ne iyan si Hur.

1 Cronica 2:24

Wazà meuǥet ne minatey si Hezron diyà te Caleb Efrata hein mid-anak is esawa zin he si Abia. Is anak dan ne si Ashur he amey ni Tekoa.

1 Cronica 2:42

Is kinekekayan he anak ni Caleb he maama te suled ni Jerameel, ne iyan si Mesha he amey ni Zif. Ne is ikezuwa he anak din, ne si Maresha he amey ni Hebron.

1 Cronica 2:46

Is sevaha pa he esawa ni Caleb ne iyan si Efa he iney ni Haran, Moza, wey Gazez. Si Haran, ne zuen din anak he egngezanan daan ki Gazez.

1 Cronica 2:9

Is menge anak ni Hezron he menge maama, ne iyan si Jerameel, Ram, wey Caleb.

1 Cronica 4:1

Iyan heini zuma pa he menge kevuwazan ni Juda: si Perez, Hezron, Carmi, Hur, wey si Shobal.