1 Cronica 2:16 - Manobo Western Bukidnon OT

¹⁶ Ne iyan menge suled dan he menge vahi si Zeruya wey si Abigail. Si Zeruya ne zuen tetelu he anak din he menge maama he si Abishai, Joab, wey Asahel.

1 Cronica 2:16 교차 참조

2 Samuel 14:1

Netuenan ni Joab he anak ni Zeruya he ebulungen si Hadì David ki Absalom.

2 Samuel 17:25

Mibpilì ni Absalom si Amasa he in-ilis din ki Joab he iyan peremandar te menge sundaru. Heini si Amasa ne anak ni Jeter he Ismailihanen. Iyan iney zin si Abigail, he anak ni Nahash, te suled te iney ni Joab he si Zeruya.

2 Samuel 19:22

Migkaǥi si David te, “Sikiyu is menge anak ni Zeruya, hengkey is lavet niw? Kenè niw supaka is ebeelan ku ǥuntaan. Iyan e en hadì guntaan te Israel, ne wazà edhimetayan he etew te Israel ǥuntaan he andew.”

2 Samuel 2:13

Midsinuǥung sikandan ni Joab he anak ni Zeruya wey te menge sakup ni David diyà te peneng te Gibeon. Nememinuu is grupu ni Abner ziyà te zivaluy he vahin dutun te peneng ne nememinuu zaan diyà te zivaluy zaan he vahin is grupu ni Joab.

2 Samuel 3:39

Ne minsan iyan a mibpilì he hadì guntaan, kenè ku egkeveyveyaan si Joab wey si Abishai, he menge anak ni Zeruya. Nereǥenan a utew kandan. Umbe, iyan en is Nengazen ebales te lalung he menge etew te kelelalung he menge vaal zan.”

1 Cronica 11:20

Si Abishai he suled ni Joab, ne iyan pengulu zutun te 30 he mevurut he menge sakup ni David. Nekepatey sikandin te 300 he menge Filistihanen pinaaǥi te vangkew zin. Umbe nehimu he nevantug sikandin he iring duen te tetelu he mevurut he menge etew,

1 Cronica 2:15

is ikeenem, iyan si Ozem, ne is ikepitu, iyan si David.

1 Cronica 2:17

Ne iyan nekeesawa ki Abigail, si Jeter he Ismailihanen ne zuen dan anak he maama he si Amasa.

1 Samuel 26:6

Migkeǥiyan ni David si Abimelec he Hitihanen wey si Abishai he anak ni Zeruya wey suled ni Joab te, “Hentei keniyu is eduma kedì te edhendutun te kampu ni Saul?” Midtavak si Abishai te, “Iyan a eduma.”