1 Cronica 19:9 - Manobo Western Bukidnon OT

⁹ Mibpelastar en is menge Amunihanen diyà te pultahan te inged dan para te kebpekidtebek, ne is menge hadì he edlavan kandan, ne mibpelastar en daan diyà te menge suǥud.

1 Cronica 19:9 교차 참조

2 Samuel 10:8

Mibpelastar en is menge Amunihanen diyà te pultahan te inged dan para te kebpekidtebek, ne is menge Aramihanen he tig-Zoba wey tig-Rehob wey is menge sundaru he tig-Tob wey tig-Maaca ne mibpelastar zan en daan diyà te menge suǥud.

2 Samuel 18:4

Midtavak si Hadì David te, “Ebeelan ku is meupiya para keniyu.” Ne midhitindeg si Hadì David dutun te uvey te pultahan te inged dutun te kemulu en edliǥawang is langun he menge sakup din he mibahin te tig-1,000 wey tig-100.

1 Hadì 20:1

Dutun he timpu midtiǥum ni Hadì Ben Hadad he hadì te Aram is langun he menge sundaru zin su wey zan mekepekidtebek. Miduma kandan is 32 he menge hadì he edlavan ki Ben Hadad, he zuen dan menge kudà wey menge kerwahi. Ne migenat dan su edsurung dan diyà te Samaria.

1 Hadì 20:24

Ne kinahanglan he ebeelan nu heini: Iawè nu sikan is 32 he menge hadì diyà te ketengdanan dan ne iyan iilis nu kandan sikan is menge peremandar.

1 Cronica 19:10

Hein naahà ni Joab haazà is menge kuntada zan diyà te egkesineruwan dan wey ziyà te egkeiniyuǥan dan, mibpilì din is utew menge metau he sundaru te Israel ne iyan en sikandin mibpengulu te kebpekidtebek te menge Aramihanen.

1 Cronica 19:8

Hein nezineg heini ni David, impehendiyè din si Joab wey is langun he menge sundaru he memevurut he ebpekidtebek.

2 Cronica 13:3

Nenurung si Abia duma is 400,000 he menge mevurut he menge sundaru, ne mid-andam daan si Jeroboam te 800,000 he memetau he ebpekidtebek he menge sundaru.

2 Cronica 14:10

ne midhipanew zaan ensi Asa is edsurung ki Zera. Ne ziyè dan mebpelastar te suǥud-suǥud te Zefata he uvey te Maresha.

Isaias 28:6

Ebeǥayan din is menge zatù te tinguhà te layun kebeǥey te hustu he kukuman. Wey ebeǥayan din te kevurut is menge sundaru he ebantey su wey kenà ebpekeseled is menge edsurung diyà te inged.

Jeremias 50:42

Neǥumeenan sikandan te menge panà wey menge vangkew. Mesipala sikandan ne wazè dan hizu. Emun ed-untud sikandan te menge kudè dan ne iring is keǥurub dan te keǥurub te dezekelà he menge vaǥel ziyà te zaǥat. Ebpekeuma sikandan is andam en he edsurung keniyu te menge meǥinged diyà te Babilonia.

Joel 2:5

Is keǥurub te kedlinglingketew zan diyà te menge vuvungan iring te keǥurub te ebpelelaǥuy he kerwahi wey iring te kerekatak te ebinsulan he reǥami. Iring sikandan te mekeǥeǥehem he menge sundaru he andam en he ebpekidtebek.

1 Samuel 17:2

Midtiǥum daan ni Saul is menge Israilihanen ne ziyè dan megkampu uvey te menge Suǥud he Elah. Nengandam dan te kebpekidtebek te menge Filistihanen.