1 Cronica 18:5 - Manobo Western Bukidnon OT

⁵ Hein nemekeuma is menge tig-Aram he ziyà ebpuun te Damascus su edtavang ki Hadadezer, mibpenhimetayan eni David is 22,000 kandan.

1 Cronica 18:5 교차 참조

1 Cronica 18:3

Nekidtebek daan si David ki Hadì Hadadezer he hadì te Zoba he uvey te Hamat, su si Hadadezer, edsekupen din pezem is tanà he uvey te Wahig he Eufrates.

1 Cronica 18:4

Naaǥew eni David is 1,000 he menge kerwahi zan, 7,000 he ebpemen-untud te kerwahi wey 20,000 he menge sundaru. Mibpemiangan eni David haazà is menge kudà he eguyud te kerwahi gawas te 100 he insamè din su egemiten din.

1 Cronica 18:6

Mibpevaal si David te menge kampu ziyà te Damascus, he lugar te menge Aramihanen. Ne nehimu en he nesakup din sikandan, ne ebayad dan te vuhis diyà te kandin. Impezaag si David te Nengazen, minsan hendei sikandin ebpevayà is ebpekidtebek.

1 Cronica 19:6

Neisip te menge Amunihanen he nererengitan si David dutun te mibeelan dan. Umbe mibayad dan te menge 35,000 he libu he kilu he pelata su id-erkila zan te menge kerwahi wey menge perekerwahi, he menge tig-Aram Naharaim, Aram Maaca, wey Zoba.

Salmo 60:2

Midhuyung nu wey impeveka nu is tanà he Israel, iyan, guntaan edhangyù a ziyà te kenikew he purungi nu en heini su hapit en egketempag.

1 Samuel 14:47

Hein kedhadì ni Saul te Israel, mibpekidtebek sikandin te nekelingut kandin he menge kuntada zin. Iyan heini menge kuntada zin: is menge tig-Moab, menge tig-Ammon, menge tig-Edom, is menge hadì diyà te Zoba, wey is menge tig-Filistia. Is minsan hentei he kuntada zin ne egkezaag din.