1 Cronica 18:3 - Manobo Western Bukidnon OT

³ Nekidtebek daan si David ki Hadì Hadadezer he hadì te Zoba he uvey te Hamat, su si Hadadezer, edsekupen din pezem is tanà he uvey te Wahig he Eufrates.

1 Cronica 18:3 교차 참조

Genesis 15:18

Ne zutun he andew, midtukud is Nengazen te kebpekid-uyun din ki Abram. Ke sikandin te, “Ibeǥey ku te menge kevuwazan nu heini he tanà. Puun diyà te wahig te Ehipto pehendiyà te zekelà he Wahig he Eufrates.

2 Samuel 10:6

Neisip-isip dutun te menge Amunihanen he egkepeukan dan ni David. Umbe midsuhulan dan is 20,000 he Aramihanen he menge sundaru he tig-Bet Rehob wey tig-Zoba, 1,000 he sundaru he ebpuun te hadì te Maaca, wey 12,000 he sundaru he ebpuun te Tob.

2 Samuel 8:3

Nekidtebek daan si David ki Hadì Hadadezer he hadì te Zoba, he anak ni Rehob, hein egenat en si Hadadezer su ed-umanan din te ed-aǥew is tanà he uvey te Wahig he Eufrates.

1 Cronica 18:2

Nezaag daan ni David is menge Moabitanhen, wey midsakup din sikandan ne ebayad dan te vuhis diyà te kandin.

1 Cronica 18:4

Naaǥew eni David is 1,000 he menge kerwahi zan, 7,000 he ebpemen-untud te kerwahi wey 20,000 he menge sundaru. Mibpemiangan eni David haazà is menge kudà he eguyud te kerwahi gawas te 100 he insamè din su egemiten din.

2 Cronica 8:3

Iyan heini timpu he midsurung ni Solomon is Hamat Zoba ne naaǥew zin heini.

Ezra 4:20

Netuenan ku zaan pinaaǥi te menge surat he midumala is Jerusalem te mekeǥeǥehem he menge hadì he midhadì te tivuuk he prubinsya ziyan layun te Eufrates ne mibayad heini he prubinsya ziyà te kandan te vuhis wey zuma pa he menge veleyazan.

Salmo 60:1

He Megbevayà, mid-engkezan key kenikew ne ketau nu is kegkezaaǥa kenami. Nepeukan key kenikew, ne ǥuntaan seǥipaa key en.

Salmo 60:2

Midhuyung nu wey impeveka nu is tanà he Israel, iyan, guntaan edhangyù a ziyà te kenikew he purungi nu en heini su hapit en egketempag.

Exodus 23:31

“Is egketemanan te tanà he ibpaangken ku keniyu ne ebpuun diyà te Zaǥat he Meriǥà pehendiyà te Zaǥat he Mediteraneo, wey ebpuun te disirtu pehendiyà te Wahig he Eufrates. Ebpengelinteuwan ku he mezaag niw is menge etew he ed-ubpà keniyan he tanà su wey niw sikandan mesegseg.

1 Samuel 14:47

Hein kedhadì ni Saul te Israel, mibpekidtebek sikandin te nekelingut kandin he menge kuntada zin. Iyan heini menge kuntada zin: is menge tig-Moab, menge tig-Ammon, menge tig-Edom, is menge hadì diyà te Zoba, wey is menge tig-Filistia. Is minsan hentei he kuntada zin ne egkezaag din.