1 Cronica 18:2 - Manobo Western Bukidnon OT

² Nezaag daan ni David is menge Moabitanhen, wey midsakup din sikandan ne ebayad dan te vuhis diyà te kandin.

1 Cronica 18:2 교차 참조

2 Samuel 8:2

Nezaag daan ni David is menge Moabitanhen. Impehizeǥè din sikandan diyà te tanà he impelinya ne midsukud din te pisì. Ne is neseled te kada zezuwa he sukud te pisì ne mibpenhimetayan, ne is nengesakup te iketelu he sukud te pisì ne wazà penhimetayi. Is duma he menge Moabitanhen he wazà himetayi, ne midsakup ni David ne impevayad din sikandan te vuhis diyà te kandin.

1 Hadì 10:2

Nekeuma sikandin diyà te Jerusalem duma te mahabet he menge sakup din, ne zuen din uwiten he menge kemilyu he kergadu te menge gasa he penaket, mahabet he vulawan, wey mahalen he menge vatu. Ne hein neked-ehè dan en ki Solomon, ne mid-insaan din si Solomon te minsan hengkey he egkesuatan din he id-insà.

1 Hadì 10:25

Kada tuig, is kada sevaha he ebpenumbaley ziyà te kandin ed-uwit te menge gasa: menge azen he vineelan puun te pelata wey vulawan, menge visti, menge ǥumaan, menge penaket, menge kudà, wey menge mula.

1 Cronica 18:1

Hein huziyan he timpu nezaag ni David is menge Filistihanen, ne nesakup din en sikandan. Naaǥew zin diyà te kandan is Gat wey is menge lugar he nemekelingut kayi.

1 Cronica 18:3

Nekidtebek daan si David ki Hadì Hadadezer he hadì te Zoba he uvey te Hamat, su si Hadadezer, edsekupen din pezem is tanà he uvey te Wahig he Eufrates.

Salmo 60:8

Ne suluǥuen ku mulà is Moab ne ed-engkenen ku is Edom. Ne idsegyawan ku is kegkezeeǥa ku te Filistia.”

Isaias 11:14

Edsevaha sikandan te kedsurung te menge Filistihanen diyè dapit te edsenlepan. Edsurungen dan daan is menge nasyun diyà te edsilaan ne edtevanen dan is menge azen kayi. Edsekupen dan is Edom wey Moab, ne is menge Amunihanen ebpesakup daan kandan.

Isaias 16:1

Is menge tig-Moab he nemelaǥuy pehendiyà te Sela, he sevaha he inged diyà te sibsivayan, mibpeuwitan dan te gasa he nati he menge kerehidu is midhadì diyà te Jerusalem.

Numero 24:17

“Duen neehè ku ziyà te nelewasan ku he wazè pa mehitavù. Diyà te ebpekeuma he timpu, duen egkehimu he hadì te Israel he ebpuun diyà te kevuwazan ni Jacob. Ne edezeetan din is menge Moabitanhen wey is langun he kevuwazan ni Shet.

1 Samuel 10:27

Duen dutun menge etew he wazà menge pulus he ed-undaunda ki Saul. Ke sikandan te, “Ebmenmenuwen kayi he etew te kedluwas kenitew?” Wazè dan beǥayi si Saul te gasa. Piru wazè en megkaǥi si Saul.