1 Cronica 17:8 - Manobo Western Bukidnon OT

⁸ Midumahan ku sikew minsan hendei ka mebpevayà, ne impezaag ku kenikew is langun he kuntada nu. Guntaan edhimuwen ku sikew he mevantug iring te zuma he menge etew he egkevantug diyan te tivuuk he kelibutan.

1 Cronica 17:8 교차 참조

Genesis 28:15

Tentenuzi nu he layun a eduma kenikew wey ebentayan ku sikew minsan hendei ka ebpevayà. Ibpelikù ku sikew kayi he tanà, ne kenè ku sikew ed-ewaan taman te egketuman ku is menge saad ku kenikew.”

2 Samuel 22:1

Migkentahan ni David is Nengazen dutun te kedluwasa kandin te Nengazen diyà te ǥehem te menge kuntada zin wey ziyà te ki Saul.

2 Samuel 7:9

Midumahan ku sikew minsan hendei ka mebpevayà, ne impezaag ku kenikew is langun he kuntada nu. Guntaan edhimuwen ku sikew he mevantug iring te zuma he menge etew he egkevantug diyan te tivuuk he kelibutan.

2 Samuel 8:6

Mibpevaal si David te menge kampu ziyà te Damascus, he lugar te menge Aramihanen. Ne nehimu en he nesakup din sikandan, ne ebayad dan te vuhis diyà te kandin. Impezaag si David te Nengazen, minsan hendei sikandin ebpevayà is ebpekidtebek.

2 Samuel 8:8

Migkuwa zin daan is mezakel he menge brunsi ziyà te Beta wey ziyà te Berotai, he menge sakup te inged ni Hadadezer.

1 Cronica 14:17

Ne tenged kayi nevantug si David diyà te minsan hendei ne mibpengelinteuwan te Nengazen he mengehandek kandin is langun he menge nasyun.

1 Cronica 17:17

He Megbevayà, duen pa insaad nu he edtelinguma te pemilya ku. Midhimu a kenikew he utew dungganen he etew. He Nengazen he Megbevayà,

1 Cronica 17:2

Midtavak si Natan diyà te ki David te, “Beeli nu is egkesuatan nu te ebaal, su is Megbevayà eduma kenikew.”

1 Cronica 17:7

“Keǥiyi nu pa si David he iyan a, is Nengazen he Mekeǥeǥehem, egkaǥi te, ‘Mibantey ke zà dengan te menge kerehidu, piru mibpilì ku sikew he edumala te menge etew ku he Israilihanen.

1 Cronica 17:9

Mibeǥayan ku en is menge etew ku he Israilihanen te ubpeey he pirmeninti, para zuen dan en keugelingen he ubpeey he wazè en ebpekesamuk kandan wey ebpekezaagdaag iring duen te nehuna,

Ezra 4:20

Netuenan ku zaan pinaaǥi te menge surat he midumala is Jerusalem te mekeǥeǥehem he menge hadì he midhadì te tivuuk he prubinsya ziyan layun te Eufrates ne mibayad heini he prubinsya ziyà te kandan te vuhis wey zuma pa he menge veleyazan.

Salmo 18:1

Nengazen, iyan ka mibeǥey kedì te zesen, ne mahal ku sikew.

Salmo 46:11

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Salmo 46:7

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Salmo 71:21

Ebeǥayan a kenikew te zekelà he zengeg, ne ed-umanan a kenikew edlipaya.

Salmo 75:7

kekenà, iyan dà is Megbevayà. Iyan sikandin edhukum; ebpekevevaan din is ked-etew te zuma, ne is duma ebeǥayan din te zengeg.

1 Samuel 18:14

Midmezeeǥen si David te langun he menge vaal zin tenged te midumahan sikandin te Nengazen.

1 Samuel 18:28

Hein naahà ni Saul he is Nengazen miduma ki David wey nesuatan te anak din he si Mical si David,

1 Samuel 26:10

Ibpesarig ku he edsilutan sikandin te uuyag he Nengazen, ne iyan is Nengazen edhimatey kandin, etawa ebpatey sikandin te daru etawa tebek.