1 Cronica 17:1 - Manobo Western Bukidnon OT

¹ Hein diyè en med-ubpà si David te turuǥan din, ne migkeǥiyan din is ebpeneuven he si Natan te, “Kayi e en med-ubpà te utew mekempet he turuǥan he kayu he sidru is inhiman duen, piru haazà is Kavan te Kebpekid-uyun te Nengazen ne ziyè dà te tulda.”

1 Cronica 17:1 교차 참조

2 Samuel 12:1

Midsuǥù is Nengazen te ebpeneuven he si Natan diyà te ki David. Hein nekeuma sikandin diyà te ki David, migkaǥi sikandin te, “Duen dezuwa he etew he ed-ubpà te sevaha he inged. Is sevaha ne sepian ne is sevaha ne pubri.

2 Samuel 12:25

ne midsuǥù din is ebpeneuven he si Natan he egngezanan din haazà is batà te Jedidia su mibmahal zin sikandin.

2 Samuel 6:17

Insavuk eni David haaza is Kavan te Nengazen dutun te seled te tulda he mibeelan ni David he edsevukan din dutun te Kavan. Ne nemuhat si David diyà te Nengazen te menge pemuhat he edtutungen wey menge pemuhat he para te meupiya he kedepità.

1 Hadì 1:23

Duen etew he migkeǥiyan din haazà is hadì te nekeuma si Natan, umbe impetawag sikandin duen te hadì. Kedseled ni Natan, midluhud sikandin su edtehuzen din haazà is hadì.

1 Hadì 1:44

Impehendiyè din si Solomon te Gihon duma si Zadok he memumuhat, si Natan he ebpeneuven, si Benaya he anak ni Jehoyada, wey is menge tigbantey zin he menge Kiritnen wey menge Pilitnen. Impeuntud dan pa ganì si Solomon te kudà duen te hadì.

1 Hadì 1:8

Piru wazà mulà meduyug kandin si Zadok he memumuhat, si Benaya he anak ni Jehoyada, si Natan he ebpeneuven, si Shimei, si Rei, wey is menge vantey ni David.

1 Hadì 8:17

“Utew egkesuat is amey ku he si David he ebangun te valey he para te zengeg te Nengazen he Megbevayà te Israel.

1 Cronica 14:1

Dutun he timpu, midsuǥù si Hadì Hiram he hadì te Tyre te menge menunudtulà diyà te ki David duma is menge pandey, menge tigsimintu, wey mibpeuwit te menge kayu he sidru, su ebengunen dan is turuǥan ni David.

1 Cronica 15:1

Mibpehitindeg si David te menge bilding para te keugelingen din diyà te Jerusalem he egngezanan te Inged ni David. Mibpevaal zaan sikandin te tulda para te Kavan te Kebpekid-uyun te Megbevayà. Ne impelastar zin diyà te lugar he in-andam din para kayi.

1 Cronica 16:1

Insavuk eni David haaza is Kavan te Kebpekid-uyun te Megbevayà dutun te seled te tulda he mibeelan ni David he edsevukan din dutun te Kavan. Ne nemuhat dan diyà te Nengazen te menge pemuhat he edtutungen wey menge pemuhat he para te meupiya he kedepità.

1 Cronica 17:2

Midtavak si Natan diyà te ki David te, “Beeli nu is egkesuatan nu te ebaal, su is Megbevayà eduma kenikew.”

1 Cronica 17:5

Wazè e pa mekeubpà te valey he zutun a ed-ezapa is Megbevayà puun pa te timpu te kebpeǥewasa ku te menge Israilihanen puun te Ehipto taman guntaan. Nekehalinhalin ad is diyà ed-ubpà te tulda.

1 Cronica 22:6

Ne impetawag ni David sikan is anak din he si Solomon, ne midsuǥù din te kabangun te valey te Nengazen he Megbevayà te Israel.

1 Cronica 22:7

Migkeǥiyan ni David si Solomon te, “He mama, egkesuatan ku pezem he edtukud te valey te Nengazen para te kegkeveyawa te ngazan te Nengazen he iyan Megbevayè ku.

1 Cronica 28:2

Hein nengevurun dan en ne midhitindeg si David he migkaǥi te, “Pemineǥa a keniyu, menge suled wey menge keet-etawan ku. Egkesuat a he ebangun te valey te Nengazen para egkesevukan duen te Kavan te Kebpekid-uyun te Nengazen he Megbevayè tew, para zuen egkeuntuzan te paa zin. Ne neisip ku is edtukuzen en heini.

1 Cronica 29:29

Is guǥud mehitenged te kedhadì ni Hadì David, puun te puunà taman te ketepusan, ne ingkesurat heini ziyà te menge libru te menge ebpeneuven he si Samuel, Natan wey Gad.

2 Cronica 1:4

Dutun he timpu ne neuwit en ni David kes Kavan te Kebpekid-uyun te Megbevayà he ebpuun te Kiriat Jearim pehendiyà te tulda he inteǥana zin para kayi diyà te Jerusalem.

Salmo 132:5

taman te kebpeketuredu ku te lugar he egkeubpaan te Nengazen, he iyan kes Mekeǥeǥehem he Megbevayà ni Jacob.”

Exodus 26:1

“Ipeveeli nu is Tulda he Ed-ezapan. Is egemiten te kebeeli kayi, ne sepulù he lukut he linu he eburdahan te welin he meitem is kaavuavu, merudtem wey kanggan. Ne pepurungi nu heini peburdahi te zagwey te menge kirubin.

Jeremias 22:15

Egkeisip nu ve is egkehimu ka he ventuǥan he hadì emun ebpekepehitindeg ka te turuǥan he sidru? Maan is kenè nu edsunuzen is amey nu? Hustu wey metazeng is menge vaal zin, umbe mid-uswag sikandin wey meupiya is kebpengungubpaan din.

Daniel 4:4

“Emun bahin te kebpekesavuk ku kayi te turuǥan, ne meupiya wey meuswaǥen a.

Haggai 1:4

Egenahan kew ve he ed-ubpà diyà te mekempet he menge valey he neregdas mulà is kediey he valey?

Haggai 1:9

Migkaǥi pa is Nengazen he Mekeǥeǥehem te, “Dekelà is ebperetengen niw he sebpet piru zeisey zà is neraǥun niw. Ne zutun te ked-ulia niw kayi midezeetan ku heini. Mibeelan ku heini tenged te neregdas en is baley ku piru is kada sevaha keniyu mulà, ne egkevuhetanan te kedterebahu ziyà te kandin mismu he valey.