1 Cronica 16:9 - Manobo Western Bukidnon OT

⁹ Kentahi niw sikandin te menge kedalig; ipenudtul niw is langun he egkein-inuwan he menge vaal zin.

1 Cronica 16:9 교차 참조

1 Cronica 16:10

Deliǥa niw is kegkewaǥas din. Kelipey kew is midangep diyà te kandin.

1 Cronica 16:24

Ipetueni niw ziyà te langun he menge etew ziyà te menge nasyun is kegkemekeǥeǥehem din wey is egkein-inuwan he menge vaal zin.

1 Cronica 16:8

Peselemati niw is Nengazen; simbaha niw sikandin! Tudtula niw ziyà te menge etew is menge vaal zin.

Job 36:24

Kenè nu lipati is kedalig te menge vaal zin he iyan daan ebeelan te zuma emun egkanta zan.

Salmo 145:12

su wey mesayud is langun he keet-etawan te nezumahan te ǥehem he menge vineelan nu wey is mekeǥeǥehem he ginhedian nu.

Salmo 40:10

Is kedlibriya nu kediey wazè ku ziyè dà tipiǥi te ǥehinawa ku, kekenà, ibpenudtul ku zaan he metinumanen ka wey edluwas ka. Ne wazè ku ieles is gaǥew nu wey ketutuanan diyà te ketiǥuman dey te menge etew nu.

Salmo 71:17

He Megbevayà, puun te vatè e pa, mibpenurù ad kenikew mehitenged te egkein-inuwan he menge vaal nu, ne taman en guntaan is kebpenudtula ku kayi.

Malakias 3:16

Duen menge etew zutun he zuen dan kegkehandek te Nengazen. Hein nezineg dan heini is menge lalag, mibpelelelaǥè dan ne nemineg kandan is Nengazen, ne nezineg din sikandan. Ne ziyà te etuvangan din duen belesahan he midsuratan te mehitenged duen te zuen dan kegkehandek wey kedtahud te Nengazen.