1 Cronica 16:7 - Manobo Western Bukidnon OT

⁷ Haazà he andew te nehuna he timpu, imbeǥey ni David diyà te ki Asaf wey ziyà te zuma zin he menge Levihanen heini is kanta te kebpeselamat diyà te Nengazen:

1 Cronica 16:7 교차 참조

2 Samuel 22:1

Migkentahan ni David is Nengazen dutun te kedluwasa kandin te Nengazen diyà te ǥehem te menge kuntada zin wey ziyà te ki Saul.

1 Cronica 16:6

Ne is menge memumuhat he si Benaya wey si Jahaziel ne iyan tigpezaǥing layun te menge trumpita zutun te etuvangan te Kavan te Kebpekid-uyun te Megbevayà.

2 Cronica 29:30

Midsuǥù ni Hadì Hezekia wey te menge upisyal zin is menge Levihanen te kedalig te Nengazen pinaaǥi te kegkentaha zan te menge kentahan he vineelan ni Hadì David wey ni Asaf he ebpeneuven. Ne melipayen sikandan he egkanta te menge kentahan he idalig dutun te midluhud sikandan is ed-azap te Megbevayà.

Nehemias 12:24

Iyan heini menge pengulu te menge pemilya te menge Levihanen: Si Hashabia, Sherebia, wey si Jeshua he anak ni Kadmiel, wey zuma pa he menge zuma zan he ebpemenhitindeg diyà te atbang dan emun timpu te kegkanta ziyà te valey te Nengazen te menge kedalig wey kebpeselamat te Megbevayà. Iyan heini sikandan edtavak te kanta te zivaluy he grupu, sumalà te insuǥù ni David he suluǥuen te Megbevayà.

Salmo 12:1

Tevangi a, Nengazen, su wazè en etew he nesamà he metinumanen wey egkeseriǥan.

Salmo 18:1

Nengazen, iyan ka mibeǥey kedì te zesen, ne mahal ku sikew.