1 Cronica 16:6 - Manobo Western Bukidnon OT

⁶ Ne is menge memumuhat he si Benaya wey si Jahaziel ne iyan tigpezaǥing layun te menge trumpita zutun te etuvangan te Kavan te Kebpekid-uyun te Megbevayà.

1 Cronica 16:6 교차 참조

1 Cronica 15:18

Is mibpilì dan he ed-uǥup kandan ne iyan is menge kezuzumahi zan ded he iyan ensi Zacarias, Jaaziel, Shemiramot, Jehiel, Uni, Eliab, Benaya, Maasea, Matitia, Elifelehu, Miknea, wey is menge ebantey te ǥemawan te Tulda he iyan si Obed Edom wey si Jiel.

1 Cronica 15:24

Ne is midseriǥan te kebpezaǥing te trumpita zutun te etuvangan te Kavan te Kebpekid-uyun te Megbevayà he menge memumuhat ne iyan ensi Shebania, Joshafat, Netanel, Amasai, Zacarias, Benaya, wey si Eliezer. Si Obed Edom wey si Jehia iyan daan ebantey zutun te Kavan te Kebpekid-uyun.

1 Cronica 16:5

Si Asaf is nengulu kandan wey tigpezaǥing te menge simbal. Ne iyan sunud kandin si Zacarias, ne nesunuzan eni Jiel, Shemiramot, Jehiel, Matitia, Eliab, Benaya, Obed Edom, wey si Jiel. Iyan heini menge peretukar te menge lira wey menge alpa.

1 Cronica 16:7

Haazà he andew te nehuna he timpu, imbeǥey ni David diyà te ki Asaf wey ziyà te zuma zin he menge Levihanen heini is kanta te kebpeselamat diyà te Nengazen:

2 Cronica 13:12

Is Megbevayà ne eduma kenami; iyan sikandin pengulu zey. Ne emun edsurung key keniyu ne iyan ebpengulu kenami is menge memumuhat he ebpezaǥing te menge trumpita. Sikiyu is menge keet-etawan te Israel, kenè niw sukuli is Nengazen, he Megbevayà te menge kepuun niw, su kenè kew ebpekezaag.”

Numero 10:8

“Iyan dà is menge kevuwazan ni Aaron he menge memumuhat mebpezaǥing duen te menge trumpita. Heini he sulunuzen, kinahanglan he edtumanen niw wey te menge kevuwazan niw taman te taman.