1 Cronica 16:5 - Manobo Western Bukidnon OT

⁵ Si Asaf is nengulu kandan wey tigpezaǥing te menge simbal. Ne iyan sunud kandin si Zacarias, ne nesunuzan eni Jiel, Shemiramot, Jehiel, Matitia, Eliab, Benaya, Obed Edom, wey si Jiel. Iyan heini menge peretukar te menge lira wey menge alpa.

1 Cronica 16:5 교차 참조

2 Samuel 6:5

Midsilibra si David wey is langun he etew te Israel ziyà te etuvangan te Nengazen te tivuuk dan he zesen. Nemenganta zan wey midtukar te menge alpa, lira, tamburin, kastanitas, wey simbal.

1 Cronica 16:37

Insarig ni David ki Asaf wey ziyà te menge iring din he Levihanen is kebpenilbi layun dutun te etuvangan te Kavan te Kebpekid-uyun te Nengazen, sumalà te buluhaten dutun kada andew.

1 Cronica 16:4

Mibpilì dutun si David te menge Levihanen he ebpenilbi etuvangan dutun te Kavan te Nengazen pinaaǥi te ked-ampù, te kebpeselamat, wey kedalig te Nengazen, kes Megbevayà te Israel.

1 Cronica 16:6

Ne is menge memumuhat he si Benaya wey si Jahaziel ne iyan tigpezaǥing layun te menge trumpita zutun te etuvangan te Kavan te Kebpekid-uyun te Megbevayà.

1 Cronica 6:24

Tahat, Uriel, Uzia, wey si Shaul.

1 Cronica 6:39

Is kevuwazan ni Gershon he si Asaf, ne iyan nehuna he mid-uǥup ki Heman. Si Asaf ne anak ni Berekia. Si Berekia ne anak ni Shimea.

2 Cronica 29:25

Ne impepelastar ni Hezekia ziyà te valey te Nengazen is menge Levihanen he zuen dan menge simbal, menge alpa, wey menge lira. Ne kedtuman heini te insuǥù te Nengazen ki Hadì David pinaaǥi ki Gad he menenagnà ni David wey te ebpeneuven he si Natan.