1 Cronica 16:4 - Manobo Western Bukidnon OT

⁴ Mibpilì dutun si David te menge Levihanen he ebpenilbi etuvangan dutun te Kavan te Nengazen pinaaǥi te ked-ampù, te kebpeselamat, wey kedalig te Nengazen, kes Megbevayà te Israel.

1 Cronica 16:4 교차 참조

Genesis 17:7

Edtumanen ku is kebpekid-uyun ku kenikew wey te menge kevuwazan nu te peleebuten he lapis te kevuwazan, ne pedayun a he Megbevayè niw. Heini he kebpekid-uyun ku ne taman te taman.

Genesis 32:28

Ne migkaǥi haaza is etew te, “Puun guntaan kenè en maan Jacob is igngazan kenikew, kekenà, Israel en tenged te nekibuteng ka te Megbevayà wey te etew, ne nekezaag ka.”

Genesis 33:20

Ne zutun mibaal si Jacob te pemuhatà he migngezanan din te El Elohe Israel, he ke và dà egkaǥiya, “Utew mekeǥeǥehem is Megbevayà he ed-ezapen ni Israel.”

1 Hadì 8:15

Migkaǥi sikandin, “Edeliǥen is Nengazen he Megbevayà te Israel. Midtuman din is insaad din te amey ku he si David. Migkaǥi zin dengan te,

1 Cronica 15:16

Midsuǥù ni David is menge pengulu te menge Levihanen te kebpilì te menge perekanta he ebpuun ded te iring dan he menge Levihanen, te kegkanta te menge kanta he ebpekelipey he eduyuǥan te menge lira, alpa, wey menge simbal.

1 Cronica 16:3

Ne is kada sevaha he Israilihanen, maama wey vahi, ne mibeǥayan din te supas, usa, wey menge pasas.

1 Cronica 16:5

Si Asaf is nengulu kandan wey tigpezaǥing te menge simbal. Ne iyan sunud kandin si Zacarias, ne nesunuzan eni Jiel, Shemiramot, Jehiel, Matitia, Eliab, Benaya, Obed Edom, wey si Jiel. Iyan heini menge peretukar te menge lira wey menge alpa.

1 Cronica 16:8

Peselemati niw is Nengazen; simbaha niw sikandin! Tudtula niw ziyà te menge etew is menge vaal zin.

1 Cronica 24:3

Pinaaǥi te tavang ni Zadok he kevuwazan ni Eleazar, wey ni Ahimelec he kevuwazan ni Itamar, ne migrupu ni Hadì David is menge kevuwazan ni Aaron sumalà te menge ketengdanan dan.

1 Cronica 25:1

Mibpilì si David wey is menge peremandar te menge sundaru te menge etew he ebpuun te menge anak ni Asaf, Heman, wey ki Jedutun. Iyan impilìa kandan su wey zan meseysey is lalag te Megbevayà he eduyuǥan te menge alpa, lira, wey menge simbal. Iyan heini menge ngazan dan he impenurat wey is menge terebahu zan:

1 Cronica 6:31

Duen menge etew he insarig kandan ni David is kegkanta wey kedtukar ziyà te valey te Nengazen hein ingkepelastar en dutun sikan is Kavan te Kebpekid-uyun.

2 Cronica 5:13

Is menge perekanta, ne midalig dan wey mibpeselamat dan te Nengazen he eduyuǥan te trumpita, simbal, wey zuma pa he menge gelemiten. Iyan heini kanta zan: “Meupiya is Nengazen; wazà pidtemanan te gaǥew zin.” Ne zutun nepenù te ǥapun haazà is baley te Nengazen.

Ezra 3:10

Hein nepasad en duen te ebpemenerebahu is pundasyun duen te valey te Nengazen, mibpelastar is menge memumuhat su ebpezaǥing dan te menge trumpita. Heini sikandan nekevivisti te visti zan te kegkememumuhat. Mibpelastar zaan is menge Levihanen he menge kevuwazan ni Asaf su edtukar zan te menge simbal su edeliǥen dan is Nengazen sumalà te paaǥi he impenurù kandan ni Hadì David he hadì te Israel.

Nehemias 12:24

Iyan heini menge pengulu te menge pemilya te menge Levihanen: Si Hashabia, Sherebia, wey si Jeshua he anak ni Kadmiel, wey zuma pa he menge zuma zan he ebpemenhitindeg diyà te atbang dan emun timpu te kegkanta ziyà te valey te Nengazen te menge kedalig wey kebpeselamat te Megbevayà. Iyan heini sikandan edtavak te kanta te zivaluy he grupu, sumalà te insuǥù ni David he suluǥuen te Megbevayà.

Salmo 103:2

Ereg he edeliǥen ku is Nengazen, ne kenè ku edlipatan is keupiya zin.

Salmo 105:5

Sikiyu is menge pinilì te Megbevayà wey kevuwazan ni Abraham he suluǥuen te Megbevayà, wey menge kevuwazan daan ni Jacob, tentenuzi niw is egkein-inuwan he menge paaǥi zin, wey is egkein-inuwan he menge vaal zin, wey is menge kedhukum din.

Salmo 106:48

Edeliǥen is Nengazen he Megbevayà te Israel te wazà pidtemanan. Is langun he menge etew edtavak te, “Amen!” Deliǥa is Nengazen!

Salmo 37:1

Kenè ka mesemuki mehitenged te lalung he menge etew; kenè ka mesina te memezaat is baal.

Salmo 70:1

Nengazen he Megbevayà, libriye e en wey tevangi e en guntaan.

Salmo 72:18

Mezait he edeliǥen is Nengazen he Megbevayà, kes Megbevayà te Israel, he iyan dà ebpekehimu keniyan he menge egkengein-inuwan.