1 Cronica 16:2 - Manobo Western Bukidnon OT

² Hein nepasad is kebpemuhat dan dutun, ne mibpenubtuvazan ni David is menge etew pinaaǥi te ngazan te Nengazen.

1 Cronica 16:2 교차 참조

Genesis 14:19

Mibpenubtuvazan din si Abram te egkaǥi te, “Berakat, Abram, he tuvazi ka te Utew Lavew he Megbevayà he nenlimbag te langit wey tanà.

Genesis 20:7

Kinahanglan he ilikù nu sikandin diyà te ki Abraham, su ebpeneuven sikandin, ne id-ampù ke zin su wey ka kenà mebpatey. Piru emun kenè nu id-ulì, ebpetizeenan ku sikew he kenè en ebperis ne ebpatey ke en iyan ragkes is langun he menge sakup nu.”

Genesis 47:10

Ne zutun, mibpenubtuvazan en maan ni Jacob haazà is hadì ne mid-ewaan din.

Genesis 47:7

Ne impeetuvang daan ni Jose is amey zin he si Jacob ne impekilala zin dutun te hadì, ne mibpenubtuvazan ni Jacob haazà is hadì.

2 Samuel 6:18

Hein nekepasad en sikandin he ebpemuhat, ne mibpenubtuvazan din is menge etew pinaaǥi te ngazan te Nengazen he Mekeǥeǥehem.

1 Cronica 16:1

Insavuk eni David haaza is Kavan te Kebpekid-uyun te Megbevayà dutun te seled te tulda he mibeelan ni David he edsevukan din dutun te Kavan. Ne nemuhat dan diyà te Nengazen te menge pemuhat he edtutungen wey menge pemuhat he para te meupiya he kedepità.

1 Cronica 16:3

Ne is kada sevaha he Israilihanen, maama wey vahi, ne mibeǥayan din te supas, usa, wey menge pasas.

2 Cronica 29:29

Ne hein nepasad is kebpemuhat, ne midluhud si Hadì Hezekia wey is langun he menge zuma zin ne mid-azap dan is Nengazen.

2 Cronica 30:27

Ne zutun midhitindeg is menge memumuhat wey menge Levihanen ne mibpenubtuvazan dan is menge etew. Ne mibpemineg heini te Megbevayà he ziyà te segradu he ubpeey zin diyà te langit.

Ezekiel 45:17

Ketengdanan te pengulu is kebeǥey te menge pemuhat he edtutungen, pemuhat he para gasa, pemuhat he inumen, pemuhat he para idlumpiyu, wey pemuhat he para te meupiya he kedepità dutun te timpu te menge pista iring te Pista te Kebpuun te Hayag, menge Andew te Kedhimeley, wey zuma pa he menge pista he edsilibrahan te menge Israilihanen. Ibpemuhat heini he menge pemuhat su wey mevelukasi is menge Israilihanen tenged te menge salè dan.”

Leviticus 1:3

Emun baka is ibpemuhat din he iyan pemuhat he edtutungen, kinahanglan he meemahan heini he wazè din sazir, ne ipemuhat din heini ziyà te ǥemawan te Tulda he Edtelevukaayan, su para zewata sikandin te Nengazen.

Josue 22:6

Ne zutun mibpenubtuvazan sikandan ni Josue ne impeulì din.