1 Cronica 15:3 - Manobo Western Bukidnon OT

³ Miburunburun ni David is langun he menge Israilihanen diyà te Jerusalem te ked-uwit duen te Kavan te Nengazen diyà te lugar he inteǥana zin para kayi.

1 Cronica 15:3 교차 참조

2 Samuel 6:12

Netudtulan si Hadì David he midtuvazan te Nengazen is pemilya ni Obed Edom wey is langun he ǥaked din tenged dutun te Kavan te Kebpekid-uyun te Megbevayà. Ne zutun midhendiyà si David te valey ni Obed Edom ne migkuwa zin haazà is Kavan te Kebpekid-uyun te Megbevayà su ed-uwiten din diyà te inged din duma is kelipey.

2 Samuel 6:17

Insavuk eni David haaza is Kavan te Nengazen dutun te seled te tulda he mibeelan ni David he edsevukan din dutun te Kavan. Ne nemuhat si David diyà te Nengazen te menge pemuhat he edtutungen wey menge pemuhat he para te meupiya he kedepità.

1 Hadì 8:1

Impetawag ni Hadì Solomon diyà te Jerusalem is menge edumala te Israel wey is langun he menge pengulu te menge tribu wey menge pemilya te Israel, su ibpekuwa zin kandan sikan is Kavan te Kebpekid-uyun te Nengazen puun te Zion he Inged ni David.

1 Cronica 13:2

Ne migkeǥiyan din is tivuuk he keet-etawan te Israel, “Emun egkesuat kew wey iyan daan egkesuatan te Nengazen he Megbevayè tew, ibpetudtulan tew is langun he menge zuma tew seled te tivuuk he Israel, apil en is menge memumuhat wey is menge Levihanen he zuma zan dutun te menge inged dan wey menge penebtavà dan. Ibpehendini tew sikandan wey zan mekepekidsevaha kenitew.

1 Cronica 13:5

Umbe, miburunburun ni David is langun he menge Israilihanen, ebpuun diyà te Wahig he Shihor ziyà te Ehipto taman te Lebo Hamat, te kegkuwa te Kavan te Kebpekid-uyun te Megbevayà diyà te Kiriat Jearim.

1 Cronica 15:1

Mibpehitindeg si David te menge bilding para te keugelingen din diyà te Jerusalem he egngezanan te Inged ni David. Mibpevaal zaan sikandin te tulda para te Kavan te Kebpekid-uyun te Megbevayà. Ne impelastar zin diyà te lugar he in-andam din para kayi.

1 Cronica 15:12

Migkeǥiyan din sikandan te, “Iyan kew menge pengulu te menge pemilya te menge kevuwazan ni Levi. Mebpekelumpiyu kew wey is menge iring niw he menge kevuwazan ni Levi, para egkeuwit niw kes Kavan te Nengazen he Megbevayà te Israel, diyà te lugar he inteǥana ku para kayi.

1 Cronica 16:1

Insavuk eni David haaza is Kavan te Kebpekid-uyun te Megbevayà dutun te seled te tulda he mibeelan ni David he edsevukan din dutun te Kavan. Ne nemuhat dan diyà te Nengazen te menge pemuhat he edtutungen wey menge pemuhat he para te meupiya he kedepità.

2 Cronica 1:2

Ne mibpekidlalag si Solomon te langun he menge Israilihanen, te menge peremandar te menge linibu wey menge ginatus he menge sundaru, te menge menhuhusey, te langun he menge pengulu te Israel, wey te langun he menge pengulu te menge pemilya.

2 Cronica 1:4

Dutun he timpu ne neuwit en ni David kes Kavan te Kebpekid-uyun te Megbevayà he ebpuun te Kiriat Jearim pehendiyà te tulda he inteǥana zin para kayi diyà te Jerusalem.

2 Cronica 5:2

Impetawag ni Hadì Solomon diyà te Jerusalem is menge edumala te Israel wey is langun he menge pengulu te menge tribu wey menge pemilya te Israel, su ibpekuwa zin kandan sikan is Kavan te Kebpekid-uyun te Nengazen puun te Zion he Inged ni David.

Exodus 40:20

Ne intaǥù din duen te Kavan sikan is melumpipì he vatu he midsuratan te Kesuǥuan, ne in-ahuk din duen te menge mibpen-iring te rintì duen te Kavan sikan is menge tival, ne midtembunan din heini.

Leviticus 9:5

Umbe, mid-uwit dan diyà te egkesineruwan duen te Tulda he Edtelevukaayan is langun he insuǥù kandan ni Moises he uwita zan. Mid-amur-amur zan is langun diyà te etuvangan te Nengazen.