1 Cronica 15:1 - Manobo Western Bukidnon OT

¹ Mibpehitindeg si David te menge bilding para te keugelingen din diyà te Jerusalem he egngezanan te Inged ni David. Mibpevaal zaan sikandin te tulda para te Kavan te Kebpekid-uyun te Megbevayà. Ne impelastar zin diyà te lugar he in-andam din para kayi.

1 Cronica 15:1 교차 참조

2 Samuel 14:24

Piru migkaǥi is hadì te, “Dutun niw ipeubpà sikandin te valey zin; kenè ku egkesuatan he meehè ku kayi te turuǥan.” Ne mid-ulì si Absalom diyà te valey zin ne wazè en sikandin mebpaahà te hadì.

2 Samuel 5:9

Hein naaǥew en ni David haazà is Zion, diyè en sikandin med-ubpà, ne migngezanan din haazà te Inged ni David. Ne mibpeumanan din haazà pepelinguti te verengbeng puun te mevavà he vahin dutun te inged.

2 Samuel 6:12

Netudtulan si Hadì David he midtuvazan te Nengazen is pemilya ni Obed Edom wey is langun he ǥaked din tenged dutun te Kavan te Kebpekid-uyun te Megbevayà. Ne zutun midhendiyà si David te valey ni Obed Edom ne migkuwa zin haazà is Kavan te Kebpekid-uyun te Megbevayà su ed-uwiten din diyà te inged din duma is kelipey.

2 Samuel 6:17

Insavuk eni David haaza is Kavan te Nengazen dutun te seled te tulda he mibeelan ni David he edsevukan din dutun te Kavan. Ne nemuhat si David diyà te Nengazen te menge pemuhat he edtutungen wey menge pemuhat he para te meupiya he kedepità.

1 Cronica 15:12

Migkeǥiyan din sikandan te, “Iyan kew menge pengulu te menge pemilya te menge kevuwazan ni Levi. Mebpekelumpiyu kew wey is menge iring niw he menge kevuwazan ni Levi, para egkeuwit niw kes Kavan te Nengazen he Megbevayà te Israel, diyà te lugar he inteǥana ku para kayi.

1 Cronica 15:3

Miburunburun ni David is langun he menge Israilihanen diyà te Jerusalem te ked-uwit duen te Kavan te Nengazen diyà te lugar he inteǥana zin para kayi.

1 Cronica 16:1

Insavuk eni David haaza is Kavan te Kebpekid-uyun te Megbevayà dutun te seled te tulda he mibeelan ni David he edsevukan din dutun te Kavan. Ne nemuhat dan diyà te Nengazen te menge pemuhat he edtutungen wey menge pemuhat he para te meupiya he kedepità.

1 Cronica 6:31

Duen menge etew he insarig kandan ni David is kegkanta wey kedtukar ziyà te valey te Nengazen hein ingkepelastar en dutun sikan is Kavan te Kebpekid-uyun.

2 Cronica 1:4

Dutun he timpu ne neuwit en ni David kes Kavan te Kebpekid-uyun te Megbevayà he ebpuun te Kiriat Jearim pehendiyà te tulda he inteǥana zin para kayi diyà te Jerusalem.

2 Cronica 5:2

Impetawag ni Hadì Solomon diyà te Jerusalem is menge edumala te Israel wey is langun he menge pengulu te menge tribu wey menge pemilya te Israel, su ibpekuwa zin kandan sikan is Kavan te Kebpekid-uyun te Nengazen puun te Zion he Inged ni David.

Salmo 132:5

taman te kebpeketuredu ku te lugar he egkeubpaan te Nengazen, he iyan kes Mekeǥeǥehem he Megbevayà ni Jacob.”