Ne sevaha he andew, midhendiyà te ki David haazà is tetelu he sakup din duen te surung te Adulam. Heini is tetelu he etew, ne zuma heini sikandan te 30 he menge mevurut he menge sakup ni David. Dutun he timpu ne ziyà megkampu haazà is menge Filistihanen te Suǥud he Refaim
Sevaha zutun he timpu te ting-eǥani, midhendiyà te ki David haazà is tetelu he sakup din duen te surung te Adulam. Heini is tetelu he etew, ne zuma heini sikandan te 30 he mevurut he menge sakup ni David. Dutun he timpu ne ziyà megkampu haazà is menge Filistihanen te Suǥud he Refaim
Hein netuenan te menge Filistihanen he iyan si David nepilì he hadì te tivuuk he Israel, midtiǥum dan is langun he menge sundaru zan para te kedakep kandin. Piru netuenan ni David, ne midsinuǥung din nasì sikandan.
Umbe, nenginginsà si David te Megbevayà, “Edsurungen dey ve is menge Filistihanen? Ibpezaag nu ve sikandan kenami?” Midtavak is Nengazen diyà te kandin, “Uya, ǥenat kew en, su ibpezaag ku sikandan keniyu.”