1 Cronica 14:8 - Manobo Western Bukidnon OT

⁸ Hein netuenan te menge Filistihanen he iyan si David nepilì he hadì te tivuuk he Israel, midtiǥum dan is langun he menge sundaru zan para te kedakep kandin. Piru netuenan ni David, ne midsinuǥung din nasì sikandan.

1 Cronica 14:8 교차 참조

1 Samuel 21:11

Migkaǥi is menge sineriǥan ni Akish kandin te, “Kenè be si David man heini is hadì diyà te lugar zin? Kenè be iyan sikandin kes egkevantug te menge vahi zutun te ebpemenayew sikandan wey ebpemenganta te, ‘Tignengkelibu is nepatey ni Saul, piru is ki David mulà tigsepulù he libu’?”

1 Cronica 11:3

Umbe, ziyà te Hebron, mibaal si David te kebpekid-uyun te menge pengulu te Israel ziyà te etuvangan te Nengazen, ne midlenahan dan is ulu ni David te lana he ibpeehè dan he iyan en sikandin hadì te Israel, sumalà is insaad te Nengazen pinaaǥi ki Samuel.

2 Samuel 5:3

Umbe, ziyà te Hebron, mibaal si David te kebpekid-uyun te menge pengulu te Israel ziyà te etuvangan te Nengazen, ne midlenahan dan is ulu ni David te lana he ibpeehè dan he iyan en sikandin hadì te Israel.

1 Cronica 14:7

Elishama, Beeliada, wey si Elifelet.

1 Cronica 14:9

Dutun, midsurung te menge Filistihanen is Suǥud he Refaim.