1 Cronica 13:8 - Manobo Western Bukidnon OT

⁸ Midsilibra si David wey is langun he menge Israilihanen diyà te etuvangan te Megbevayà te tivuuk dan he zesen. Nemenganta zan wey midtukar te menge alpa, lira, tamburin, simbal, wey trumpita.

1 Cronica 13:8 교차 참조

2 Hadì 3:15

Sigi, dumaha kayi te kediey is etew he metau he edtukar te alpa.” Ne zutun te kedtukar te alpa, midumala si Elisha te ǥehem te Nengazen,

1 Cronica 15:28

Umbe, mid-uwit te langun he menge Israilihanen kes Kavan te Kebpekid-uyun te Nengazen duma is ked-ugyab, kebpezaǥing te menge trumpita, menge vudyung, wey menge simbal wey kedtukar te menge lira wey menge alpa.

1 Cronica 16:42

Ketengdanan ni Heman wey ni Jedutun is kebpezaǥing te menge trumpita, wey menge simbal, wey is duma pa he menge gamit he egemiten te kegkanta te menge kentahan para te Nengazen. Is menge anak ni Jedutun iyan impevantey zutun te ǥemawan.

1 Cronica 16:5

Si Asaf is nengulu kandan wey tigpezaǥing te menge simbal. Ne iyan sunud kandin si Zacarias, ne nesunuzan eni Jiel, Shemiramot, Jehiel, Matitia, Eliab, Benaya, Obed Edom, wey si Jiel. Iyan heini menge peretukar te menge lira wey menge alpa.

1 Cronica 23:5

Is 4,000 ne iyan ebantey te menge ǥemawan te valey te Nengazen, ne is 4,000 pa ne iyan sikandan tigdalig te Nengazen pinaaǥi te menge gelemiten te kedtukar he mibpeveelan ku para te heini he vuluhaten.”

2 Cronica 20:28

Hein nekeuma zan diyà te Jerusalem, ne ziyè dan medlaus te valey te Nengazen, is edtukar te menge alpa, lira, wey menge trumpita.

2 Cronica 5:12

Is menge Levihanen he menge musikiru ne iyan si Asaf, si Heman, si Jedutun, wey is menge anak dan he menge maama, wey menge kezuzumahi zan ne midhitindeg diyà te zapit te edsilaan he avey zutun te pemuhatà. Mibivisti zan te linu he edtukar te menge simbal, alpa, wey lira. Iyan duma zan dutun is 120 he menge memumuhat he ebpezaǥing te trumpita.

Salmo 47:5

Dutun te kedhendiyà te Megbevayà te pinuuwè din te kedhadì, ed-ugyab is menge etew te kegkelipey zan duma is kebpezaǥing te menge vudyung.

Salmo 92:3

he ebpezumahan te kedtukari te menge instrumintu he zuen dan menge kuwirdas.

Amos 5:23

Engkezi niw en is meǥurub he menge kanta niw. Kenà a egkesuat he ebpemineg te sunata te menge alpa niw.

Amos 6:5

Kehizu niw te ebaal te menge kanta zutun te edtukar kew te alpa wey susuaten he ebaal te sunata pinaaǥi te menge instrumintu iring ki David.

1 Samuel 10:5

Ne te kebpekeuma nu ziyà te Buntud te Megbevayà, he zutun is kampu te menge Filistihanen ne zuen egkesinuǥung nu he grupu te menge ebpeneuven he edtupang puun te simbahan diyà te metikang he lugar. Edtukar sikandan te alpa, tamburin, pulalà, wey lira is ebpemenagnà.