1 Cronica 13:7 - Manobo Western Bukidnon OT

⁷ Migkuwa zan haazà is Kavan te Kebpekid-uyun te Megbevayà diyà te valey ni Abinadab ne in-untud dan te veǥu he kerumata. Si Uza wey si Ahio is migiya zutun te kerumata.

1 Cronica 13:7 교차 참조

2 Samuel 6:3

Heini he Kavan te Kebpekid-uyun te Megbevayà ne ziyà te valey ni Abinadab he ziyà te vuntud. Migkuwa heini eni David, ne in-untud dan te veǥu he kerwahi. Si Uza wey si Ahio is menge anak ni Abinadab ne iyan migiya zutun te kerwahi; si Ahio ne iyan edhuna.

1 Cronica 15:13

Tenged te kenè kew iyan kes mid-uwit dutun te Kavan te Kebpekid-uyun te nehuna he timpu, midsilutan kiw te Nengazen he Megbevayè tew tenged te kegkepauk din. Wazè kiw mebpenginginsà te Nengazen ke ebmenmenuwen tew heini te ed-uwit te hustu he paaǥi.”

1 Cronica 15:2

Migkaǥi si David, “Wazà minsan hentei he ebpekeuwit te Kavan te Kebpekid-uyun te Megbevayà gawas te menge Levihanen, su iyan sikandan mibpilì te Nengazen he ibpeuwit te Kavan te Nengazen wey ebpenilbi ziyà te etuvangan din taman te taman.”

Numero 4:15

“Emun egkepasad en ni Aaron wey te menge anak din te edtambun sikan is Tulda he Edtelevukaayan wey is langun he menge gelemiten kayi, ne edtivalen heini te menge kevuwazan ni Kohat dutun te timpu te ked-awè niw puun te kampu niw. Piru kinahanglan he kenè dan semsama heini is segradu he menge vutang su wey zan kenà mebpatey. “Iyan haazà sikan is menge gelemiten duen te Tulda he Edtelevukaayan he ed-uwiten te menge kevuwazan ni Kohat.

1 Samuel 6:7

Ne guntaan, baal kew te veǥu he kerumata wey kuwa kew te zezuwa he vehiyan he vaka he wazè pa keenu mesengeni te eyuǥu. Ne sengeni niw te kerumata, piru kenè niw en ipezuma kes menge nati zan, kekenà, durengè niw heini ziyà te tudil.